Mádenıet jáne sport mınıstri Arystanbek Muhamedıulynyń usynysymen bıylǵy jyldan bastap Naýryzdy jańa turpatta toılaý – muqtaj jandarǵa, kópbalaly analarǵa, qarttar men ardagerlerge qaıyrymdylyq qamqorlyq tanytý úlgisinde atap ótýge baǵyttalǵan bolatyn. Osy maqsatty kózdegen óner oshaǵy qaladaǵy №3 arnaıy áleýmettik qyzmetter kórsetý ortalyǵyna baryp, qarttarǵa qurmet jasady.
– Qarııalardy qoldaý qoǵamǵa ortaq paryz. Taǵdyrdyń san qıly joly osy mekemege toǵystyrǵan qamkóńil jandardyń kóńilin aýlap, jylylyq syılaǵymyz keldi. Bul keıingi jastarǵa úlgi bolyp, qoǵamda jappaı beleń alsa kóptegen ıgi ister jasalǵan bolar edi, – deıdi QR eńbek sińirgen qaıratkeri, Jambyl atyndaǵy Qazaq memlekettik Fılarmonııasynyń dırektory Asqar Bóribaev.
Merekege oraı qarııalarǵa túrli syılyqtar tabys etildi. Qaıyrymdylyq is-shara fılarmonııa ártisteriniń arnaıy ázirlengen konserttik baǵdarlamasyna ulasty.
Arman OKTIаBR,
«Egemen Qazaqstan»
ALMATY
