— Myń ólip, myń tirilgen halqymyzdyń arǵy-bergi tarıhynda ne bir alapat zamandar ótip, onyń basyna ne bir qıyndyqtar tóngeni belgili. Bizdiń el retinde saqtalyp qalyp, táýelsizdik alýymyz — taǵdyrdyń asa zor syıy. HH ǵasyr basynda qazaqtan ozyq, «óner, bilim bar jurttar» qatarynda bolǵan keıbir halyqtardyń ózderi mundaı baqytqa jete almady. Biraq táýelsizdikke jetken shaqta aldymyzda ótpeli kezeńderge tán kóptegen qaýip-qaterlermenqıyn asýlar turdy. Elbasymyzdyń dana basshylyǵy arqasynda sonyń bárinen aman ótip, álemge tanylǵan memleket atandyq. Elbasy — KSRO kúıregen kúrdeli kezeńdejańa memlekettiń negizin qalap, elimizdi barsha álemge moıyndatqan tulǵa, — dedi jıynda ashyp sóz sóılegen Baýyrjan Erdembekov. Budan ári ol Elbasy Nursultan Nazarbaevtyń qazaq eliniń táýelsizdigin baıandy etý, ultaralyq qaqtyǵystardyń aldyn alý, shet jerde júrgen otandastarymyzdyń elge oralýyna jaǵdaı týǵyzý, kórshiles eldermen, sonyń ishinde Reseımen shekarany aıqyndap, bekitý jáne el ekonomıkasyn kóterý jolyndaǵy ushan-teńiz eńbekteri jóninde baıandap berdi.
Al Qazaqstan koreıleri Assosıasııasy Aqtóbe oblystyq fılıalynyń tóraǵasy Konstantın Shaı óz oı-pikirin tómendegishe túıindedi.
— Elbasynyń óz ókilettigin toqtatatyndyǵy týraly Úndeýi bárimiz úshin kútpegen jaǵdaı boldy. Bul, árıne,bir jaǵynanókinish týǵyzǵandaı áser qaldyrdy.О́ıtkeni biz jas memleketimizdiń jetken barlyq tabystary men jetistikterin Elbasynyń esimimen baılanystyramyz. Elimizdiń santúrli etnos ókilderinenquralǵan halqy bir úıdiń balasyndaı yntymaqpen birlikte ómir súrip keledi.Bizdiń eń úlken baılyǵymyz - yntymaqpen birlik. Bul Elbasynyń bolashaqty boljaı biletin kóregen saıasatynyń jemisi dep bilemiz. Aldymyzda turǵan bir nárse aıqyn. Elbasy – Tuńǵysh Prezıdentimiz saıasattan birjola ketpeıdi. Ol Qaýipsizdik Keńesiniń Tóraǵasy, Qazaqstan halqy Assambleıasynyń Tóraǵasy retinde eńbek ete beredi. Bul bizdi qýantady.
Jıynda sóılegen ózge de sheshender men ǵalymdar Elbasy Nursultan Nazarbaevtyń Egemen elimizdiń negizin qalaýshy, memleket qurýshy retindegi tarıhı rólin joǵary baǵalaıtyndaryn jóninde túıin jasady.
Indıra Jaımaǵambetova,
jýrnalıst
Temir Qusaıyn,
«Egemen Qazaqstan»
AQTО́BE
