«Elordamyz – Nur-Sultan» merekelik konsertinde jurtshylyq Qazaqstannyń Tuńǵysh Prezıdentiniń memleket qurýdaǵy róli týraly pikirlerin bildirdi.
Qazaqstannyń Tuńǵysh Prezıdentiniń tarıhı eńbeginiń arqasynda búgingi Qazaqstan álem tanyǵan, qarqyndy damyp kele jatqan iri ekonomıkalyq, ónerkásiptik, ǵylymı, mádenı áleýeti, jańa ınnovasııalyq tehnologııalary bar memleketke aınaldy.
«Ult kóshbasshysy Qazaqstanda ǵana emes, álemdik deńgeıde bedeldi memleket qaıratkeri retinde tarıhqa endi»-deıdi merekelik konsertke qatysqandar.
- Halyq tarıhı mańyzy bar bul oqıǵaǵa oń kózqaras bildirýde. Astana atyn Elbasy qurmetine aýystyrý – tarıhı ádilettilik. Nursultan Ábishuly óz abyroıy arqyly Uly Dala elin á lemdegi tabysty damyp kele jatqan memleketter qataryna qosty. Onyń saıası, áleýmettik-ekonomıkalyq salalarda atqarǵan qyzmeti men jetistikteri halyqtyń bolashaǵyna arnaldy»-dep atap ótti «Nur Otan» partııasy Atyraý oblystyq fılıaly tóraǵasynyń birinshi orynbasary Nurlybek Ojaev.
Atyraýlyq jastar táýelsiz elimizdiń astanasyn Nur-Sultan dep ataý týraly ıdeıany qýattaıdy. Birlik pen kelisimniń sımvolyna aınalǵan Qazaqstan astanasy Elbasy esimimen tyǵyz baılanysty.
– Elimizde bolyp jatqan tarıhı oqıǵalar jastardy syrt aınalyp ótpeıdi. Qazaqstannyń Tuńǵysh Prezıdentiniń esimi astanaǵa berilýge ábden laıyqty. Memleketimizdiń barlyq tabystary Tuńǵysh Prezıdenttiń esimimen baılanysty. Onyń bastamasymen álem kartasynda Qazaqstannyń jańa astanasy paıda boldy. Elordaǵa Nur-Sultan esiminiń berilýi – halyqtyń mahabbaty men alǵysy, - deıdi Kaspıı óńiri qazirgi zamanǵy kolledjiniń 3 kýrs stýdenti Aınur Zınetýllına.
Baqytgúl BABASh,
«Egemen Qazaqstan»
Atyraý
