Mınıstrdiń aıtýynsha, tórtinshi baǵyt - jastardyń áleýmettik belsendiligin damytý.
«Bul baǵytty «Jasyl El» qozǵalysynyń «Jasyl qala – Jasyl aýyl» ortaq ulttyq jobasynyń aıasynda júzege asyrý qarastyrylyp otyr. Qurylys kompanııalarynda stýdenttik qurylys otrıadtary úshin kvota bólinedi. Jas otbasylardy, densaýlyq pen áleýmettik ınklıýzıvtilikti qoldaý týraly baǵyt bar. Munda aımaqtyq jastar chempıonaty men stýdentter ýnıversıadalaryn ótkizý tájirıbesin jańartý josparlanǵan», deıdi vedomstvo basshysy.
Mınıstrdiń aıtýynsha, besinshi baǵyttyń aıasynda birqatar keshendi jobalardy júzege asyrý qarastyrylǵan. Olardyń ishinde túrli jastar sanatyn áleýmettendirýge, sýısıdtiń aldyn-alýǵa, otbasy ınstıtýtyn nyǵaıtý jáne otbasylyq qundylyqtardy alǵa jyljytý, daryndy jastardy qoldaý jáne taǵy basqa baǵyttar bar.
«Joǵaryda men atap ótken baǵyttardyń barlyǵyn júzege asyrý jas otbasylardyń áleýmettik ahýalyn arttyrýǵa, adamı kapıtalyn ósirýge, bastaǵan isterine qanat bitirýge dańǵyl jol ashady», dedi mınıstr.
