Zań jobasynyń maqsaty arnaıy ekonomıkalyq aımaqtardy retteý, sondaı-aq ındýstrııalyq aımaqtar qyzmetin quqyqtyq reglamentteý salasyndaǵy zańnamany jetildirý bolyp tabylady.
Bul qujatpen arnaıy ekonomıkalyq jáne ındýstrııalyq aımaqtardy qurý, olardyń jumys isteýi jáne olardy taratý tártibi reglamentteledi. Úkimettiń, ýákiletti organnyń, ózge de ortalyq jáne jergilikti atqarýshy organdardyń quzyreti belgilenedi. Zańnamalyq turǵydan ındýstrııalyq aımaqtardyń túrleri, sondaı-aq arnaıy ekonomıkalyq jáne ındýstrııalyq aımaqtardyń qatysýshylarynyń quqyqtary men mindetteri bekitiledi.
Zań jobasynyń sheńberinde arnaıy ekonomıkalyq jáne ındýstrııalyq aımaqtardyń basqarýshy kompanııalarynyń fýnksııalary, mártebesi, olardy qarjylandyrý jáne taratý tártibi aıqyndalady.
Sonymen qatar biryńǵaı úılestirý ortalyǵyn qurý kózdelgen, onyń mindetteri arnaıy ekonomıkalyq jáne ındýstrııalyq aımaqtardy damytý, ilgerletý jáne olardyń ınvestısııalyq tartymdylyǵyn arttyrý bolyp tabylady.
Zań jobasymen arnaıy ekonomıkalyq aımaqtyń arnaıy quqyqtyq rejımi jáne salyq salýdy, kedendik retteýdi, memlekettik-jekeshelik áriptestikti jáne qatysýshylardy quqyqtyq qorǵaýdyń kepildigin qosa alǵanda, arnaıy ekonomıkalyq jáne ındýstrııalyq aımaqtardyń jumys isteý sharttary reglamentteledi.
Sondaı-aq «Qazaqstan Respýblıkasynyń keıbir zańnamalyq aktilerine arnaıy ekonomıkalyq jáne ındýstrııalyq aımaqtar, ınvestısııalardy tartý, eksportty damytý jáne ilgeriletý, sondaı-aq áleýmettik qamsyzdandyrý máseleleri boıynsha ózgerister men tolyqtyrýlar engizý týraly»zań jobasy da qaraldy.
Zań jobasy Memleket basshysynyń Qazaqstan Respýblıkasy Parlamenti úshinshi sessııasynyń ashylýy kezinde arnaıy ekonomıkalyq jáne ındýstrııalyq aımaqtar boıynsha zańnamany jaqsartý jóninde, sondaı-aq 2019 jylǵy 27 aqpanda «Nur Otan» partııasynyń XVIII sezinde
az qamtylǵan azamattar men kóp balaly otbasylardy áleýmettik qoldaý sharalaryn kúsheıtýge qatysty aıtqan tapsyrmasyn iske asyrý maqsatynda ázirlendi.
Zań jobasynyń maqsaty Qazaqstan Respýblıkasy zańnamalyq aktileriniń normalaryn «Arnaıy ekonomıkalyq jáne ındýstrııalyq aımaqtar týraly» zańnyń jobasyna sáıkes keltirý bolyp tabylady.
Zań jobasymen birqatar zańdarǵa ózgerister men tolyqtyrýlar engiziledi.
Zań jobasy arnaıy ekonomıkalyq aımaqtar qyzmetinde jańa tásilderdi iske asyrýǵa jáne ındýstrııalyq aımaqtardyń jumys isteýin reglamentteýge baǵyttalǵan.
Zań jobasynda AEA jáne IA qatysýshylarynyń jer ýchaskelerin, sondaı-aq ınfraqurylym obektilerin alý jáne paıdalaný tártibi reglamentteledi. Respýblıkalyq mańyzy bar jáne óńirlik mańyzy bar ındýstrııalyq aımaqtardy bıýdjetten tolyq nemese ishinara qarjylandyrý kózdeledi.
Sondaı-aq salyq salý bóliginde basqarýshy kompanııalarǵa AEA jáne IA-ǵa qyzmet kórsetý úshin jer salyǵynyń, múlik salyǵynyń jáne jer ýchaskelerin paıdalanǵany úshin tólemaqynyń somalaryn aıqyndaý kezinde eseptelgen salyq pen tólemaqy somalaryn 100%-ǵa azaıtýǵa múmkindik beretin ózgerister usynylady.
Zań jobasynda ataýly kómek kórsetý krıterııin eń tómen kúnkóris deńgeıiniń 70%-yna deıin arttyrý, az qamtylǵan otbasylardaǵy árbir balaǵa arnalǵan eń tómen tólemdi 20 789 teńge somasynda belgileý, sondaı-aq múgedek balany tárbıelep otyrǵan ata-analarǵa arnalǵan aı saıynǵy memlekettik járdemaqynyń jáne bala kezinen birinshi toptaǵy múgedekti kútip baǵýshy adamdarǵa aı saıynǵy memlekettik járdemaqynyń mólsherin 30%-ǵa ulǵaıtý arqyly az qamtylǵan azamattar men kóp balaly otbasylardy áleýmettik qoldaý sharalary kózdeledi.
Zań jobasynyń aıasynda bilikti pedagogtar, dárigerler, polıseıler jáne basqa da mamandar úshin «7-20-25» baǵdarlamasy sheńberinde jeńildikti ıpoteka boıynsha bastapqy jarnalardy jergilikti bıýdjetten ishinara sýbsıdııalaý tetigi engiziledi.
Eksportty odan ári damytý jáne ilgeriletý úshin zań jobasynyń sheńberinde eksportty qoldaý boıynsha memlekettik kepildik berý kózdeledi.
Zań jobasymen memlekettik kepildik berýdiń sharttary, olardyń nysandary, olardy esepke alý, oryndaý jáne qoldanysyn toqtatýdyń negizderi,
sondaı-aq osyndaı kepildikterdi alýǵa úmitker tulǵaǵa qoıylatyn talaptar belgilenedi.
Zań jobalary Palatanyń qaraýyna jiberildi.
