• 27 Naýryz, 2019

Shymkentte áleýmettik qyzmet kórsetý ortalyqtary ashyldy

810 ret

kórsetildi

1 mın

oqý úshin

Shymkentte kóp balaly analarǵa qyzmet kórsetetin ortalyq qyzmetin bastady. Buǵan deıin qalada analar keńes surap, qujat ótkizetin mekeme bireý ǵana bolsa, endi tórt aýdannan bólimshe ashylyp otyr. Shymkent qalasy ákiminiń orynbasary Gúljan Qurmanbekova jańa ortalyqtarda bolyp, analarmen júzdesti. Bul týraly shymkent.gov.kz habarlady.

Shymkentte áleýmettik qyzmet kórsetý ortalyqtary ashyldy

Bul ortalyqtarda turǵyndar úshin yńǵaıly jaǵdaı jasalǵan. Kútý zalynda analar emin-erkin otyra alady.

– «Nur Otan» partııasynyń kezekti XVIII cezinde Elbasy halyqtyń turmys sapasyn jaqsartýǵa baǵyttalǵan naqty memlekettik bastamalar tapsyrdy. Qala ákimi Ǵ.Ábdirahymovtyń qoldaýymen tórt aýdannan ortalyq ashyldy. Qazir analarǵa qujat tapsyrý barysy túsindirilýde. Al 1-30 sáýir aralyǵynda áleýmettik kómek alý boıynsha qujat qabyldaý bastalady, - dedi G.Qurmanbekova.

Aıta keteıik, Shymkentte 30 myńǵa jýyq kópbalaly analar bar. Endi kóp balaly analar áleýmettik kómek alý úshin keńes alyp, qujat ótkizýde óz aýdandarynda ashylǵan ortalyqtarǵa bara alady.

Ortalyqtardyń mekenjaıy:

Eńbekshi aýdany boıynsha – Qapal batyr kóshesi, n/ú;

Abaı aýdany boıynsha – Mádeli qoja kóshesi, n/ú (halyqqa qyzmet kórsetý ortalyǵynyń ǵımaraty);

Ál-Farabı aýdany boıynsha – Sh.Qaldaıaqov kóshei, 13A;

Qarataý aýdany boıynsha – Báıdibek bı kóshesi, n/ú.