«Qazaq kúresi» spartakıadasynda palýandar beldesti

Ishki ister mınıstrligi bilim berý uıymdarynyń aýyspaly quramy arasynda salamatty ómir saltyn jáne sportty nasıhattaý maqsatynda IIM bilim berý uıymdarynyń aýyspaly quramynyń arasynda spartakıadanyń birinshi kezeńi naýryzdyń 15-i kúni IIM Sh.Qabylbaev atyndaǵy Qostanaı akademııasynyń qabyrǵasynda uıymdastyryldy. Ár qalada shoǵyrlanǵan IIM-niń oqý ortalyqtary jáne joǵary vedomstvalyq oqý oryndary arasynda Qazaq kúresinen spartakıada ótti.

Jarysqa IIM M.Esbolatov atyndaǵy Almaty akademııasy, IIM B.Beısenov atyndaǵy Qaraǵandy akademııasy, IIM M.Bókenbaev atyndaǵy Aqtóbe zań ınstıtýty, IIM Tótenshe jaǵdaılar komıtetiniń Kókshetaý tehnıkalyq ınstıtýty, Ulttyq Ulannyń Petropavl qalasynyń áskerı ınstıtýty, Temirtaý, Pavlodar jáne Qostanaı qalalarynyń oqý ortalyqtary, sonymen qatar IIM Sh.Qabylbaev atyndaǵy Qostanaı akademııasynyń palýandary óz ónerlerin kórsetti. Qaı oqý ornynyń palýandaryn alsań da árqaısysy óz aldyna myqty ári baısaldy, spartakıadaǵa joǵary daıyndyqpen kelgen sport sheberleri.

Saltanatty is-sharany ótkizýdi óz jetekshiligine alǵan akademııamyzdyń bastyǵy, polısııa general-moıory Mırlan Qyzylov óz sózinde palýandarǵa júrekjardy lebizin bildirip, sáttilik tiledi. Sonymen qatar Qazaq kúresi palýandaryna IIM Arnaıy jáne jumyldyrý daıarlyǵy departamentiniń aǵa ınspektory, polısııa maıory A.Beısenǵalıev, «Dınamo» Dene shynyqtyrý-sport qoǵamynyń Qostanaı oblystyq fılıalynyń bastyǵy V.Chernıaev ta palýandarǵa jeńis tiledi.

Ár palýanǵa ulttyq dárejedegi tóreshi K.Ismagýlov jáne I dárejedegi tóreshiler E.Kabıdýllınov, M.Abdýaıtov, E.Shakırov oń baǵalaryn berip, tórelik etti.

Spartakıada Qazaq kuresi halyqaralyq federasııasynyń qaǵıdalarymen 66 kg, 74 kg, 82 kg jáne +82 kg joǵary salmaq dárejelerinde ótkizildi.

Respýblıkamyzdyń túkpir-túkpirinen kelgen palýandar kórermenderge qazaq kúresiniń ártúrli ádis-tásilderin qoldanyp, ózara kúsh synasty.

Qazaq kúresinen ótken spartakıadada akademııamyzdyń myń buralǵan bıshiler ujymy bı bılep, oqý ornymyzdyń tárbıe jumysy bóliminiń bilikti mamany Tımýr Týlybaev pen 1-kýrs kýrsanty Tóleý Aqtóreniń oryndaýynda palýandardyń boıyna patrıottyq rýh uıalatatyn «Atameken» áni shyrqaldy.

Qazaqstan Respýblıkasynyń Eńbek sińirgen mádenıet qyzmetkeri, Qazaqstan Kompozıtorlar odaǵynyń múshesi, Qostanaı oblysy Amankeldi aýdanynyń Qurmetti azamaty, ánshi-sazger Qalıbek Deripsaldın basqarǵan akademııamyzdyń dombyrashylar orkestri óz ónerlerin kórsetti. Osylaısha, jarysymyzdyń qazaqy naqyshtaǵy atmosferasyn jandandyra tústi.

66 kg salmaq dárejesinde:

I oryn - Orazbek Erjan – Ulttyq Ulan áskerı ınstıtýty;

II oryn - Berik Erik – M.Esbolatov atyndaǵy Almaty akademııasy;

III oryn - Boırabaı Faqrıddın – B.Beısenov atyndaǵy Qaraǵandy akademııasy;

III oryn - Raımhanov Qambar – Tótenshe jaǵdaılar jónindegi Komıtetiniń Kókshetaý tehnıkalyq ınstıtýty;

74 kg salmaq dárejesinde:

I oryn - Meırhanov Nýrasyl - Tótenshe jaǵdaılar jónindegi Komıtetiniń Kókshetaý tehnıkalyq ınstıtýty;

II oryn - Kasyljanov Erasyl - Tótenshe jaǵdaılar jónindegi Komıtetiniń Kókshetaý tehnıkalyq ınstıtýty;

III oryn - Álimbekov Bıbatyr - M.Esbolatov atyndaǵy Almaty akademııasy;

III oryn - Bakzalbaev Gasyrbek - B.Beısenov atyndaǵy Qaraǵandy akademııasy;

82 kg salmaq dárejesinde:

I oryn - Ýrınbekov Nýrjıgıt - Ulttyq Ulan áskerı ınstıtýty;

II oryn - Qurmanǵalıev Baýyrjan – Temirtaý q. oqý ortalyǵy;

III oryn - Jarqynbek Báqdaýlet – Sh.Qabylbaev atyndaǵy Qostanaı akademııasy;

III oryn - Ahmetov Erasyl - Tótenshe jaǵdaılar jónindegi Komıtetiniń Kókshetaý tehnıkalyq ınstıtýty;

+82 kg salmaq dárejesinen joǵary:

I oryn - Sábıt Jan - Sh.Qabylbaev atyndaǵy Qostanaı akademııasy;

II oryn - Sultanov Ábilseit - Tótenshe jaǵdaılar jónindegi Komıtetiniń Kókshetaý

tehnıkalyq ınstıtýty;

III oryn - Pirnazar Ádilbek - M.Esbolatov atyndaǵy Almaty akademııasy;

III oryn - Baqochonov Idrıs - Ulttyq Ulan áskerı ınstıtýty.

Sonymen qatar jalpy komandalyq júldeli oryndar boıynsha:

I oryndy Tótenshe jaǵdaılar jónindegi Komıtetiniń Kókshetaý

tehnıkalyq ınstıtýtynyń komandasy;

II oryndy Ulttyq Ulan áskerı ınstıtýtynyń komandasy;

III oryndy Temirtaý q. oqý ortalyǵynyń komandasy ıelendi. Joǵaryda atalǵan ártúrli salmaqtaǵy palýandarǵa dıplomdar men medaldar, kýboktar tabys etildi.

Sonymen qatar atalǵan is-sharany joǵary deńgeıde uıymdastyryp, ótkizgenderi úshin Qostanaı akademııasynyń, «Dınamo» DShSQ óńirlik fılıalynyń ókilderi men tóreshiler dıplomdarmen marapattaldy. «Qazaq kúresi» spartakıadasy boıynsha qorytyndy marapattaýlar Almaty qalasynda ótkiziletin bolady.

O. ÝAQPAEVA,

IIM Sh.Qabylbaev atyndaǵy

Qostanaı akademııasynyń baspasóz hatshysy