Bul portal 27 naýryzdan bastap pılottyq joba retinde óz jumysyn bastaıtyn bolady. Bul jaıynda «Atameken» alańynda ótken otyrysta QR Qarjy vıse-mınıstri Rýslan Eńsebaev keńinen toqtaldy.
«Búgin birneshe jyldan beri júrgizilip kele jatqan kúrdeli jáne óte mańyzdy istiń tanystyrylymy ótti. Bul syrtqy ekonomıkalyq qarym-qatynasty jeńildetetin joba. Endi, kásipkerler keden beketterinde Evrazııalyq Ekonomıkalyq Odaq qujattarna saı jumys isteı alatyn bolady. Iаǵnı, elektrondy qujattaryńyzdy kórsetken soń onyń qaǵaz nusqasyn kórsetýińiz shart emes» deıdi «Atameken» QR UKP Keden ákimshiligi departamentiniń dırektory Dına Mamasheva.
Portal kómegi arqyly kásipkerler syrtqy ekonomıkalyq qarym-qatynas kezinde ımport pen eksportqa qajetti portaldyń basty artyqshylyqtarynyń biri - kásipkerler ımport-eksport jasar aldynda qajetti aqparattardy ala alady.
«Byltyr maǵlumdaý ádisin elektrondy túrge aýystyrý maqsatynda «ASTANA-1» júıesi iske qosylǵan. Búgingi tańda sonyń nátıjesi retinde maǵlumdaýdyń 70% «jasyl dáliz» arqyly rásimdelýde. Degenmen, rásimdeýshilerdiń maǵlumdaý aldynda qajetti qujattardy jınaý barysynda birneshe kedergilerge tap bolatynyn baıqadyq. Birinshiden, bul kóp ýaqytty alady eken jáne qujattardyń barlyǵy derlik qaǵaz júzinde jasalady. Al, bul óz kezeginde sybaılas jemqorlyqqa alyp keledi. Halyqaralyq ádisterge súıene otyryp, biz «Biryńǵaı tereze» júıesin iske qosyp otyrmyz», deıdi Rýslan Eńsebaev.
Vıse-mınıstrdiń aıtýynsha, osy portaldyń arqasynda ımport-eksport almasý kezinde kásipkerler ár mekemeniń esigin tozdyrmaıtyn bolady. Kedendik prosesterge ketetin ýaqyt qysqaryp, syrtqy ekonomıkalyq qarym-qatynaspen aınalysýshylardyń ýaqyty men qarjysyna da únem bolmaq.
Eger siz syrtqy ekonomıkalyq qarym-qatynaspen aınalyssańyz, 27 naýryzdan bastap óz ótinishińizdi osy júıe arqyly bere berýińizge bolady.
«Biryńǵaı terezeniń» bazalyq elementteri:
- Lısenzııa men ruqsat etýshi qujattardyń elektrondy nusqasyn alý;
- Kedendik qyzmettermen aınalysatyn tulǵa statýsyn elektrondy negizde alý;
- Elektrondy kedendik maǵlumdaý;
- Kedendik aldyn ala sheshimderdiń elektrondy qyzmeti;
- Kedendik tarıfterdiń biriktirilýi;
- Anyqtamalar men qujattar reestri;
- Normatıvtik-quqyqtyq qujattardy izdeý jáne qaraý.
«Biryńǵaı tereze» portalynyń elektrondy adresi – www.eokno.kgd.gov.kz. Portal jumysy jaıly suraqtaryńyz bar bolsa, Telegram qosymshasy arqyly +7 775 732 73 71 nomerine habarlasa alasyz.
