Jıyn barysynda Premer-Mınıstrdiń birinshi orynbasary – Qarjy mınıstri Á.Smaıylovtyń, Premer-Mınıstrdiń orynbasarlary J.Qasymbek pen G.Ábdiqalyqovanyń, Almaty qalasynyń ákimi B.Baıbektiń jáne Pavlodar oblysynyń ákimi B.Baqaýovtyń esepteri tyńdaldy.
Qasym-Jomart Toqaev elimizdegi áleýmettik-ekonomıkalyq jaǵdaıdyń turaqty ekenin jáne memlekettik baǵdarlamalardyń dáıekti túrde júzege asyrylyp jatqanyn atap ótip, keıbir baǵyttar boıynsha jumystardy jandandyrý qajettigin aıtty.
– Tuńǵysh Prezıdentimiz – Elbasynyń dana saıasatynyń arqasynda eń qıyn kezeńderge tabysty tótep berip, ekonomıkanyń ósý qarqynyn qamtamasyz ettik jáne halyqtyń ál-aýqatyn arttyrdyq. Qazirgi tańda osy qarqyndy saqtaýdy, jumys tásilderin jetildirýdi jáne júktelgen mindetterdi sapaly oryndaýdy qamtamasyz etý qajet. Basty maqsat – azamattarymyzdyń ál-aýqatyn jáne bolashaqqa degen senimin arttyrý, – dedi Qazaqstan Prezıdenti.
Basqosý sońynda Memleket basshysy ekonomıkanyń ósimin, ınvestısııa tartý isin qamtamasyz etýge, áleýmettik turaqtylyqty nyǵaıtýǵa, óńirlerdegi ınfraqurylymdyq jáne ekologııalyq ótkir problemalardy sheshýge, sý tasqynynyń aldyn alýǵa, turǵyn úı-kommýnaldyq sharýashylyǵyn jáne áleýmettik salany qamtamasyz etýge, sondaı-aq kóktemgi egis jumystaryna daıyndyq jáne ony júrgizý jumystaryn uıymdastyrýǵa baǵyttalǵan birqatar tapsyrma berdi.
Berilgen tapsyrmalardyń bárin qatań baqylaýda ustaý Prezıdent Ákimshiligine tapsyryldy.
