- Jarys joǵary deńgeıde ótkizildi,-dedi QR Qorǵanys mınıstrligine qarasty Armııa ortalyq sport klýbynyń tóraǵasy Aıtalap Qorǵambaev,-barlyq qatysýshylardyń daıyndyǵy bar. Ár jekpe-jek te qyzyqty ári emosııaǵa toly boldy. Jyl saıyn Qarýly Kúshter aıasynda ótkiziletin basqa da jekpe-jektik chempıonattar qarqyn alýda. Jarysqa qatysýshylardyń sany ǵana emes, sonymen qatar áskerı qyzmetshilerdiń sheberlik deńgeıi de arta túskenin baıqadyq.
«Shyǵys» áskerı óńirlik qolbasshylyǵy baspasóz qyzmetiniń jetekshisi, aǵa leıtenant Islambek Qaldybekovtyń aıtýynsha, ssy qazaqsha kúres túrine beıimdelip, ósip kele jatqan jas urpaq ta qyzyǵýshylyq tanytyp otyr. Qazaqstan Qarýly Kúshteriniń segiz garnızonynda áskerı qyzmetshilerdiń balalary AOSK nusqaýshylarynyń basshylyǵymen sportpen aınalysýǵa múmkindikteri bar eken.
Jarys qorytyndysy boıynsha jeńimpaz ataǵyn Armııa ortalyq sport klýbynyń sportshysy, kishi serjant Talǵat Ámirenov jeńip aldy, ekinshi oryndy Memlekettik kúzet qyzmetiniń áskerı qyzmetshisi leıtenant Álibek Zekenov ıelendi, al úshinshi oryndy Armııa ortalyq sport klýbynyń merzimdi qyzmetiniń áskerı qyzmetshisi, qatardaǵy jaýynger Ádil Orazbaev ıelendi.
- Jeńis ońaı bolmady, óıtkeni barlyq qarsylastar daıyndyq pen kásipqoılyqtyń joǵary deńgeıin kórsetti. «Qazaqstan barysy-2019» respýblıkalyq týrnırine daıyndyqqa ázirmin. Onda men elimizdiń Qarýly Kúshteriniń atynan shyǵamyn,- deıdi kishi serjant Talǵat Ámirenov.
Raýshan NUǴMANBEK
«Egemen QAZAQSTAN»
SEMEI
