Qazirgi kezde oblys boıynsha 350-ge jýyq bastaýysh partııa uıymy bolsa, onda 70 myńǵa jýyq partııa múshesi bar. Forýmda sóz alǵan bastaýysh partııa uıymdarynyń jetekshileri jasap jatqan jumystary jaıly keńinen toqtalyp, egemendik jyldary elimizdiń damýyna aıryqsha úles qosqan Elbasy esiminiń Elordaǵa berilgenin úlken qýanyshpen qabyldaǵandaryn jetkizdi.
«Bizdiń el bolyp, eńse tikteýimizge ózge turmaq, óz ishimizde de senbeýshiler áýel basta kóp boldy. Shyn máninde, sol bir kez kópshiliktiń bolashaqqa kúmánmen qaraǵan kezeńi edi. Sondaı qıyn kezeńnen alyp shyǵyp, búgingideı mamyrajaı zamanǵa jetkizgen Qazaqstan Respýblıkasynyń Tuńǵysh Prezıdenti, Elbasy Nursultan Ábishuly Nazarbaev ekeni sózsiz», – dedi «Sholaqtaý» bastaýysh partııa uıymynyń tóraǵasy Baǵlan Sultanbek. Al «Qaratóbe» bastaýysh partııa uıymynyń jetekshisi Móldir Qyryqbaeva óz sózinde «Elbasynyń esimin astanamyzǵa berý arqyly biz eshqandaı jańalyq ashyp otyrǵanymyz joq. О́ıtkeni memlekettiń negizin qalaýshy tulǵalardyń esimderin el tarıhyna máńgi qaldyrǵan mundaı oqıǵalar álemdik tarıhta jıi kezdesedi. Sondyqtan elimizdiń bas qalasyna táýelsiz Qazaqstannyń negizin qalap qana qoımaı, elimizdi yrys pen yntymaqtyń altyn besigine aınaldyrǵan Tuńǵysh Prezıdentimiz, Elbasymyzdyń esimin berý óte oryndy sheshim ári zańdy qubylys», – dedi.
Sonymen qatar, «Degeres» bastaýysh partııa uıymynyń tóraǵasy Raýan Saǵyndyqov Elordamyzdyń Nur-Sultan bolyp ózgerýi táýelsiz Qazaqstan ómirindegi tarıhı oqıǵa ekenin, muny jambyldyq bastaýysh partııa uıymdary tarıhı ádilettiliktiń ornaýy retinde baǵalaýda ekenin, shırek ǵasyrdan astam ýaqytta elimizdi álemge tanytqan tulǵanyń kemeńgerligi men danalyǵyna mundaı qurmet kórsetilýi zańdylyq dep qabyldaıtynyn jetkizdi.
Hamıt ESAMAN,
«Egemen Qazagstan»
Jambyl oblysy
