Bul is-shara Ortalyq Azııa boıynsha aımaqtyq jobanyń sheńberindegi «Eýropa Keńesiniń 2019-2022 jyldarǵa arnalǵan Qazaqstanmen kórshiles yntymaqtastyqtyń basym baǵyttary» atty jańa baǵdarlamasynyń ekinshi kezeńiniń bastalýyna baǵyttaldy.
О́z sózinde Syrtqy ister mınıstrliginiń ókili Qazaqstannyń 1997 jyldan beri uıymmen jáne onyń qurylymdarymen belsendi yntymaqtasyp kele jatqanyn, EK múshe emes memleketterine ashyq konvensııalaryna qatysý múmkindigin paıdalanatynyn atap ótti. Sonymen qatar, Qazaqstan Respýblıkasy zańnamany jetildirý salasyndaǵy ozyq tájirıbelermen almasý maqsatynda Eýropa Keńesiniń Venesııa komıssııasymen jemisti qarym-qatynasty jalǵastyrýda. Eýropa Keńesi Parlamenttik Assambleıasymen tıisti kelisim negizinde parlamentaralyq baılanystar boıynsha yntymaqtastyq damyp keledi - 2004 jyldan bastap qazaqstandyq depýtattar turaqty túrde EKPA sessııalaryna belsendi qatysady.
Qazaqstandyq dıplomat sot júıesiniń táýelsizdigin nyǵaıtýǵa, qylmystyq zańnamany gýmanızasııalaýǵa jáne adam quqyqtary men bostandyqtaryn qorǵaýǵa baǵyttalǵan júıeli reformalar aıasynda Qazaqstannyń Eýropa Keńesimen ózara is-qımyldy saqtaý jáne jalǵastyrýdyń mańyzdylyǵyn atap ótti.
Eldiń saıası ómirindegi sońǵy ózgerister týraly aıta kele, R.Vasılenko Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń «Qazaqstan bolashaq - Jalpyǵa Ortaq Eńbek Qoǵamy» degen sózin keltirdi. Bul - bári de adam ıgiligi úshin jasalatyn, ekonomıkasy myqty memleket. Onyń bilim salasy da, densaýlyq saqtaý salasy da úzdik bolady. Onda beıbitshilik pen tynyshtyq saltanat qurady. Azamattary erkin ári teń quqyly, al bıligi ádiletti bolmaq. Mundaı elde zań ústemdik etedi. Dıplomat Memleket basshysy retinde óziniń alǵashqy sózinde Qasym-Jomart Toqaev Tuńǵysh Prezıdenttiń strategııalyq baǵytyn memleket ishinde de, odan tys jerlerde de jalǵastyrýǵa degen umtylysyn rastady.
Belgili bolǵandaı, 2018 jyldyń shildesinde «Qazaqstandaǵy sot tóreligi júıesiniń sapasy men tıimdiligin arttyrýda qazaqstandyq bılikke qoldaý kórsetý» atty Eýropa Keńesi men Eýropalyq Odaqtyń birlesken jobasy sátti aıaqtaldy. Baǵdarlama qylmystyq sot tóreligi salasyndaǵy yntymaqtastyqtyń strategııalyq negizi retinde Qazaqstannyń memlekettik organdarymen tyǵyz yntymaqtastyqta ázirlengen. Baǵdarlamanyń maqsaty - Qazaqstannyń zańnamalyq bazasynyń normatıvterin ádil sot júıesiniń ozyq tájirıbelerine sáıkes jetildirý.
Baǵdarlamany iske asyrý nátıjesinde, Qazaqstan qylmystyq sot tóreligi salasyndaǵy Eýropa Keńesiniń úsh quqyqtyq qujatyna qosyldy, atap aıtqanda, «Zańsyz jolmen alynǵan kiristerdi zańdastyrý, tabý, alyp qoıý jáne tárkileý týraly», «Salyq salasynda ózara ákimshilik kómek týraly» jáne «Salyq salasyndaǵy ózara əkimshilik kómek týraly konvensııaǵa túzetýler engizý týraly». Basqa qylmystyq sot tóreligi aıasyndaǵy konvensııalaryna qosylý týraly jumys jalǵasýda.
Sonymen birge, Qazaqstan 2015 jyly Eýropalyq prokýrorlardyń Konsýltatıvtik keńesinde, al 2018 jyly - Ádilet tıimdiligi jónindegi Eýropalyq Komıssııa (CEPEJ) jáne Eýropalyq sýdıalardyń konsýltatıvtik keńesinde (CCJE) baqylaýshy memleket mártebesin aldy.
Ortalyq Azııa boıynsha Qazaqstanmen yntymaqtastyqtyń sátti tájirıbesin qaıtalaý josparlarymen quttyqtaı otyryp, «Biz Eýropa Keńesimen mańyzdy damý máseleleri boıynsha tyǵyz yntymaqtastyq, óńirimizdiń áleýetin odan ári nyǵaıtatynyna senimdimiz», - dedi R. Vasılenko.
Kezdesýdiń qatysýshylary Baǵdarlamany odan ári iske asyrýǵa biraýyzdan qoldaý kórsetti jáne Qazaqstannyń zańdylyqty qamtamasyz etýdegi progresin quptap, sybaılas jemqorlyqqa qarsy kúres, genderlik teńdikti qamtamasyz etý, azamattardyń quqyqtary men bostandyqtaryn qorǵaý sııaqty salalarda odan ári tyǵyz yntymaqtastyqqa daıyn ekendigin bildirdi. Aýstrııa, Ázerbaıjan, Lıtva, Túrkııa, Ispanııa jáne basqa elderdiń joǵary ókilderi Qazaqstandaǵy sońǵy saıası oqıǵalardy ataı otyryp, elimizdiń odan ári demokratııalyq damýyna degen umtylystarymen quttyqtady.
Sol kúni Strasbýrgte qazaqstandyq delegasııanyń Eýropa Keńesi Bas hatshysynyń orynbasary Gabrıela Battaını-Dragonımen kezdesýi ótti. Onda Qazaqstan men Eýropa Keńesi arasyndaǵy yntymaqtastyqtyń naqty josparlary talqylandy. Yntymaqtastyqty nyǵaıtýdyń mańyzdy faktory retinde, jaqyn arada Qazaqstanda Eýropa Keńesiniń óńirlik keńsesin ashý máseleleri boıynsha daıyndyq barysy talqylandy.
