Kórermender kóńilinen shyǵýǵa ár teatr ujymy talpynady, qyzyqty jumystar toqtamaıdy. I.Omarov atyndaǵy qazaq drama teatrynyń adaǵy jospary aýqymdy. Bıyl mamyr aıynda teatr Qazaqstannyń О́zbekstandaǵy kúnderine oraı ózbek kórermenderi aldynda óner kórsetýge shaqyryldy. Bul teatr ujymy úshin zor mártebe. Sonymen qatar shildede teatr Mońǵolııanyń Baıan-О́lgeı aımaǵyna gastrolge barady. Sondaǵy qandastarymyzǵa óz repertýarynan birneshe spektakl usynatyn bolady.
Tól merekesine oraı ótken saltanatty jıynda Oblystyq mádenıet basqarmasynyń bastyǵy Erlan Qalmaqov oblys ákimi Arhımed Muhambetovtyń atynan ártisterdi halyqaralyq teatr kúni merekesimen quttyqtady.
«Qostanaı óńiri qazaq drama teatrynyń negizin salǵan Serke Qojamqulov, Elýbaı О́mirzaqov, Qapan Badyrov sekildi iri tulǵalardy berdi. El táýelsizdiginiń arqasynda kóp jylǵy úzilisten keıin Qostanaıda da qazaq drama teatry ashyldy. Oblystaǵy orys drama jáne qýyrshaq teatrlary kóptegen jetistikterge jetip, kórermenderin qýantyp keledi. Arqalyqta irgetasyn óner janashyry О́zbekáli Jánibekov qalaǵan qazaq drama teatry da kórermenimen birge jasaýda. Osy óner otaýlarynyń barlyǵynda kúndelikti qaınaǵan jumysty kóremiz. Olar halqymyzdyń rýhanı suranysyn qamtamasyz etedi, ulttyq dástúrlerimizdiń qara shańyraǵyna aınalǵan» dedi Erlan Bolatuly.
Munan keıin ol teatrlar ártisterine oblys ákiminiń maqtaý gramotalaryn tapsyrdy. Mereke kúni ártister óziniń qýanyshyn bólisýge kelgen kórermenderge ánnen shashý shashty, spektaklderden úzindiler usyndy.
Názıra JÁRIMBET,
«Egemen Qazaqstan»
Qostanaı
