Sońǵy jyldyń ózinde shaǵyn jáne orta bıznes sýbektileriniń sany 13,8 paıyzǵa ósti.
Aıta keteıik, aımaqta jappaı kásipkerlikti damytý boıynsha aýqymdy jáne júıeli jumystar atqarylyp jatyr.
Aǵymdaǵy jyly kásipkerlikti shaǵyn nesıeleýge 4 mlrd teńgeden astam qarjy qarastyrylǵan. Olar jumyspen qamtý jáne jappaı kásipkerlikti damytý "Eńbek" baǵdarlamasyn iske asyrýǵa baǵyttalatyn bolady. Onyń ishinde oblystyq bıýdjetten óńirlik ınvestısııalyq ortalyq úshin startap-jobalardy qarjylandyrýǵa 500 mln.teńge bólinedi.
Sonymen qatar, "Bıznes-Keńesshi" baǵdarlamasy aıasynda 2019 jyly 737 adamdy oqytý josparlanýda. Al "Bastaý-Bıznes" baǵdarlamasymen 800 adam biliktiligin arttyratyn bolady.
"Bıznestiń jol kartasy-2020" baǵdarlamasy boıynsha jyl basynan beri ekinshi deńgeıli bankter jalpy somasy 658 mln.teńgeni quraıtyn 27 jobany maquldaǵan.
2018-2020 jyldary aımaqta Jappaı kásipkerlikti damytýdyń úsh jyldyǵy bolyp jarııalanyp, «Jol kartasy» ázirlendi.
2018 jyldyń qorytyndysy boıynsha Qyzylorda oblysy bıznesti júrgizýge qolaıly jaǵdaı jasaǵan eń úzdik oblys dep tanylyp, Tuńǵysh Prezıdent, Elbasy N.Á.Nazarbaev Qyzylorda oblysynyń ákimi Q.Kósherbaevqa "Altyn sapa" syılyǵyn tabystady.
Sondaı-aq, aǵymdaǵy jyldyń aqpan aıynan bastap oblysta Kásipkerlerge qyzmet kórsetý ortalyǵy bazasynda kásipkerlik maqsattar úshin jer ýchaskelerin berý boıynsha ashyq aýksıondar ótkizilýde. Esterińizge sala keteıik, 2017 jyly aımaq basshysynyń bastamasymen "bir ótinim" qaǵıdaty boıynsha 70-ten astam qyzmet túri tegin kórsetiletin "Kásipkerlerge qyzmet kórsetý ortalyǵy" quryldy. Mysaly, jer qatynastary salasynda 21 qyzmet túri kórsetilse, onyń 7 memlekettik qyzmet bolyp tabylady.
