Forýmǵa partııanyń 200-den astam belsendileri qatysty, olardyń arasynda bastaýysh partııa uıymdarynyń ókilderi, partııa ardagerleri bar. Forýmdy Oblystyq máslıhat hatshysy Saılaýbek Esjanov júrgizip otyrly. Forýmǵa qatysýshylar Táýelsiz Qazaqstan men onyń jas astanasynyń damýyna Nursultan Nazarbaevtyń etken eńbegin atap aıtty. Partııa ardageri Mıhaıl Dáýenov elorda kóshirilgen 21 jyl ishinde astana turǵyndarynyń sany 300 myńnan 1 mıllıonǵa deıin, ekonomıkalyq, ǵylymı jáne mádenı áleýeti de ólsheýsiz óskendigin tilge tıek etti.
«Táýelsiz jas memlekettiń astanasyn eldiń ishkeri jaǵyna, ortalyǵyna kóshirýge Nursultan Nazarbaevtyń ózi bastama kóterip, sheshim qabyldaǵan edi. Ýaqytysynda oǵan qarsy bolǵandar da tabyldy. Biraq onyń bul sheshiminiń durystyǵyn ýaqyt kórsetti. Tuńǵysh Prezıdentimizdiń eldi basqarýda, ekonomıkany damytýda, eldiń áleýmettik jaqsarýyn qamtamasyz etýde, Qazaqstandy álemge tanytýdaǵy jasaǵan barlyq jumystarynyń durystyǵyn ýaqyt ózi dáleldedi. Sondaı tulǵaǵa ózi ósirgen elordanyń atyn berýdiń de durystyǵyn bolashaq kórsetedi» dedi Mıhaıl Júsipuly.
Munan keıin sózdi partııanyń jergilikti jerlerden kelgen belsendileri men bastaýysh uıymdar ókilderi aldy.
«Eń bastysy, birlik pen turaqtylyqty saqtaýymyz kerek. Elbasy kórsetken baǵytpen júrer bolsaq, damyǵan 30 eldiń qataryna da jetemiz. Talaı asýlardy alamyz, qıyndyqtardy eńseremiz, men soǵan senemin. Qazaqstan dese Nursultan, Nur-Sultan desek Qazaqstan áýezdi estiledi. Iаǵnı, biz elordaǵa Nur-Sultan ataýyn berýin óte durys sheshim dep bilemiz, qoldaımyz!» dedi partııanyń Jangeldın aýdandyq fılıaly tóraǵasynyń birinshi orynbasary Ǵabıt Súndetbaev.
El bolashaǵy – jastardyń qolynda. Elbasy óziniń byltyrǵy Joldaýynda jas urpaqtyń Qazaqstannyń táýelsizdigin saqtap qalýdaǵy asa mańyzdy roli týraly atap ótken edi. «Jas urpaqtar keledi... Olar da elimizdi odan ári gúldendirý jolynda bar kúshin salady» degen bolatyn Nursultan Nazarbaev. «Jas Otan» elordanyń jańa ataýyna qoldaý tanytty.
« Astana ataýynyń Nur-Sultanǵa aýysýy, birinshi kezekte eldiń Tuńǵysh Prezıdentke degen alǵysy, ekinshiden bul úrdis arqyly Elbasy salǵan sara joldyń ári qaraı da jalǵasyn tabatyny dep bilýimiz kerek. Qajyrly qaıratker retinde memleketimizde tutas tatýlyq pen keleli kelisim ornatty. Qandaı qurmetke bolsyn laıyqty tulǵa. Biz sheshimdi biraýyzdan qoldaımyz!» dedi Áýlıekól aýdandyq «Jas Otan» JQ tóraıymy Nazym Serikova.
Forým barysynda bastaýysh partııa uıymdarynyń jetekshileri, beldi kásipkerler, óńirlik Saıası keńes músheleri sóz aldy. Olar partııa Tóraǵasy alǵa qoıǵan tapsyrmalardy oryndaý úshin kúsh-jigerin baǵyttaýǵa daıyn ekendikterin bildirdi jáne elorda atynyń Nur-sultan bolyp ózgerýi óte durys sheshim ekenin aıtty jáne onymen qazaqstandyqtardy quttyqtaıtyndyqtaryn bildirdi.
Qostanaı
