Ushý barysynda Áýlıekól, Naýryzym, Qarasý aýdandarynyń qar jamylǵysy keı jerlerde tolyq erigenimen, qarly aımaqtar áli baıqalady. Tasty sý qoımasy akvatorııasynyń muzy ústinde qar jamylǵysy joq, erigen sýdyń búıir aǵyny baıqalmaıdy. Aqmola oblysy mańyndaǵy Esil jáne Derjavın aýdanynda qar jamylǵysy tutas jatyr. Ashýtasty jáne Aqjar sý qoımalary muzynyń ústinde keı jerlerde qar jaýyp, muz jaǵadan ketken.
Arqalyq qalasy mańynan kórinetin aınalanyń aýmaǵynda qar jamylǵsysy 50-60% bolady. Oblystyń ońtústik shekarasyna jaqyndaǵanda qar mólsheriniń azaıǵanyn baıqaýǵa bolady jáne Ekidin men Amangeldi aýdandarynyń aýmaǵynda qar joq. Qaraǵandy oblysynyń Ulytaý taý bókteriniń aýdandarynda qar saılar men shatqaldarda saqtalǵan.
Oblystyń ońtústigindegi Sarytorǵaı, Qaratorǵaı ózenderi muzdan bosady, sý taza, burylystarda azdap muz jınalǵan. Qardyń tolyq bolmaýyna baılanysty jergilikti sý aǵysy tómen, biraq Ekidiń beketterinde-Sarytorǵaı jáne Úrpek ózenderi men Qaratorǵaı ózeninde sý deńgeıi joǵarylap, sý aǵyny kúsheıgen, ol Sarytorǵaı ózenińde sekýndyna 30,5 m3- jáne 113,0 m3 / sek quraıdy. Sý Qaraǵandy oblysy jaǵynan kelip jatyr.
Amangeldi aýdanynyń soltústiginde ornalasqan barlyq ózenderdiń betinde muz bar, keı jerlerde muz ústinde oıyqtar men jıekter baıqalady. Qabyrǵa men Torǵaı ózenderinde muzdyń murty buzylmapty, búıirlik aǵystar da baıqalmaıdy, biraq dalada qalyń qar joq.
Naýryzym aýdanynyń Dámdi aýyly mańynda jergilikti ózendi áli qar basyp jatyr, arna keýip qalǵandy, qardyń kóbesi endi sógilip jatyr. Ázirge sý tasqyny qaýpi bilinbeıdi.
Sondaı-aq, aldaǵy aptada Qostanaı oblysynyń TJD Azamattyq qorǵaý salasyndaǵy qaýip – qaterdi azaıtý jáne baqylaý basqarmasynyń mamandary oblystyń batys óńirlerin (Rýdnyı, Taran, Denısov, Jitiqara, Qamysty aýdandary jáne Reseı Federasııasynyń transshekaralyq aýdandary) jáne soltústik (Qarasý, Sarykól, Uzynkól, Qostanaı) aımaqtaryn aralaýdy josparlap otyr.
Qostanaı
