Beıresmı málimet boıynsha, búginde Germanııada túrki tilderinde sóıletin 4 mıllıonnan asa adam turyp jatyr. Kezdesýge qatysýshylar birlesken jobalar men ózara yntymaqtastyqty keńeıtý múmkindikterin de talqylady. Mysaly, Germanııada turatyn qazaqtardy til máselesi alańdatyp otyr. «Aǵa jáne orta býyn qazaq tilinde sóılese, óskeleń urpaq til bilmeıdi», – deıdi olar.
Alaıda jastardyń týǵan tilin meńgerýge nıetteri zor. Sol sebepti, qandastaramyz Eýropada qazaq til ortalyqtaryn ashyp, birlesken sharalardy kóbirek ótkizýdi kózdeıdi. Berlındegi qazaq dıasporasynyń ókili Malabakan Bezerithan, jýrnalıstermen kezdesken kezde Astanada bolǵanyn, qazir astanamyzdyń aty Nur-Sultan bolyp ózgertilgeninen habary bar ekenin aıtypty.
«Oǵan da qýanyshtymyz. Elbasy sol kezde aıtqan syrtta shetelde júrgen qazaqtardyń máselesi Qazaqstannyń nazarynda turatynyn aıtty. Otandastar qorynan kelgen aǵalarymyz Abaı ınstıtýttaryn ashamyz dep, bizge sóz berdi», –deıdi Malabakan Bezerithan.
Túrkitildes memleketterdiń yntymaqtastyq keńesi bas hatshysynyń orynbasary Omer Kosaman dıaspora ókilderimen kezdeskende birneshe mańyzdy sheshim qabyldanǵanyn aıtty.
«Birlesken jobalar men baǵdarlamalardy qolǵa alatyn bolyp, jospar qurdyq. Ár eldegi dıaspora óz sharalaryn ótkizip júr. Biz bárin biriktirgimiz keledi. Eýropada, AQSh pen búkil álemde túrkitildes dıasporalar arasynda dıalog ornasa deımiz. Kózdeıtin maqsatymyz da osy», -dep sózin túıindedi Omer Kosaman.
Almaty
