Aımaqtar • 30 Naýryz, 2019

Shymkenttegi sýdıalar men sot mamandary toqsan saıyn bir kúndik jalaqysyn balalar úıine aýdarady

566 ret kórsetildi

Shymkent qalasynyń sýdıalary men sot mamandary toqsan saıyn bir kúndik jalaqysyn balalar úıine aýdaratyn boldy. Bul týraly qalalyq sotta Shymkenttegi №4 balalar úıiniń tárbıelenýshileriniń qatysýmen ótken «qaıyrymdylyq jobasy» jıynynda aıtyldy.

Qazaqstan Sýdıalar odaǵynyń Shymkent fılıalynyń uıymdastyrǵan sharada qalalyq sottyń tóraǵasy Erbol Raqymbekov qatysyp, izgilikti sharanyń mán-mańyzyna toqtalyp ótti.

«Halqymyzda «jetim kórseń jebeı júr», degen ulaǵatty sóz bar. Sondyqtan sot salasynyń qyzmetkerleri árqashan qoǵam kómegine muqtaj azamattarǵa kómek kórsetip keledi. Igilikti bastama retinde qalanyń sýdıalary men sot mamandary toqsan saıyn ózderiniń bir kúndik jalaqysyn №4 balalar úıi tárbıelenýshileriniń «Turǵyn úı qurylys jınaq bankindegi» jeke jınaq shottaryna aýdaratyn boldy»,  dedi Erbol Raqymbekov.

Jıynda sóz alǵan balalar úıiniń tárbıelenýshileri Baıan Alımbetova men Aleksandra Pýstovoıtova: «Biz úshin bul bastamanyń mańyzy óte zor. Sebebi, biz endi bolashaǵymyzǵa senimmen qaraıtyn bolamyz», dep óz rızashylyqtaryn bildirdi.

Aıta keterligi, Shymkent qalasynyń sottary bes jyldan beri shahardaǵy №4 balalar úıiniń tárbıelenýshilerin óz qamqorlyqtaryna alyp keledi.  Basqosýda Qazaqstan Sýdıalar odaǵynyń Shymkent fılıalynyń tóraǵasy Aıdos Sultanov ata-ana meıirimine muqtaj jasóspirimderge ár mereke saıyn materıaldyq kómek kórsetip, olarǵa syılyqtar aparyp turatyndyǵyn tilge tıek etti.

«Taǵdyr taýqymetin tartyp, ósip kele jatqan balalardyń barlyǵy bilim alyp, materıaldyq jaǵynan qamtamasyz etilýi kerek. О́ıtkeni, balalar – memleketimizdiń bolashaǵy. Bul bólingen qarjy ár bala 18 jasqa tolǵanǵa deıin onyń jeke shotyna aýdarylyp, turǵyn úı satyp alý úshin jınaqtalady», dedi  Shymkent qalasy boıynsha Sottar ákimshisiniń basshysy Nursultan Baıtilesov.

Shymkent

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar