Kezekti saıası konsýltasııalardyń negizgi taqyryptary saıası, saýda-ekonomıkalyq jáne mádenı-gýmanıtarlyq bloktyń máseleleri, quqyqtyq bazany keńeıtý, sondaı-aq halyqaralyq kún tártibindegi ózekti máseleler boıynsha pikir almasý boldy.
Konsýltasııalar 2019 jylǵy 2 shildede jasalǵan Qazaqstan men Ispanııa arasyndaǵy strategııalyq seriktestik týraly sharttyń 10 jyldyǵy qarsanynda ótkizildi. Atalǵan ýaqyt aralyǵynda eki el arasyndaǵy qarym-qatynastarda aıtarlyqtaı qoljetistikter baıqalýda. Atap aıtqanda turaqty túrde oryn alatyn eń joǵary deńgeıdegi issaparlar, áriptestiktiń mańyzdy sharttyq-quqyqtyq bazasy, birneshe ese ulǵaıǵan eki jaqtyq saýda aınalymy jáne halyqaralyq qurylymdar sheńberinde ornatylǵan ózara qoldaý mehanızmi.
Taraptar QR Tuńǵysh Prezıdenti – Elbasy Nursultan Nazarbaevtyń eki el arasyndaǵy strategııalyq seriktestiktiń bastamasyn qurýdaǵy tarıhı rólin asa atap ótti. N. Nazarbaevtyń Ispanııaǵa saparlary jáne Hýan Karlos I men Felıpe VI Qazaqstanǵa saparlary eki jaqtyq qatynastardyń qarqynda damýyna sebep boldy.
Ispan tarapyna Korol Felıpe VI Elbasynyń atyna Memleket basshysy retinde jumysyn aıaqtaǵanyna qatysty jyly hatyna jáne Qasym-Jomart Toqaevtyń QR Prezıdenti laýazymyna kiriskenine oraı quttyqtaý hattary úshin alǵys aıtyldy. Madrıd Aqordanyń eldiń syrtqy saıasaty úzdiksiz bolatyny týraly habaryn oń qabyldady.
F. Valensýela Qazaqstannyń aımaqtaǵy óńirlik jáne jahandyq qaýipsizdikti nyǵaıtýǵa baǵyttalǵan bastamalardyń mańyzdylyǵyn atap óte otyryp, Qazaqstannyń syndarly jáne halyqaralyq arenadaǵy belsendi róline toqtaldy.
Taraptar ú.j. 19-20 naýryzynda Madrıdte 80-ge jýyq ıspan kompanııalary qatysqan qazaq-ıspan «roýd-shoýynyń»tabysty ótkenin atap ótip, onda eki eldiń isker toptary arasyndaǵy yntymaqtastyqtyń perspektıvalyq jobalary talqylanǵansyń qoshtady. Saıası konsýltasııalardasıfrlandyrý, ınfraqurylymdyq jobalar, aýyl sharýashylyǵy jáne agroónerkásiptik keshen, jańartylatyn energetıka, qurylys, ınjenerlik, qorǵanys jáne aeroǵarysh salalaryndaǵy yntymaqtastyqty tereńdetýdiń keń áleýetin atap ótti. Ispan seriktesteriniń nazary Qazaqstannyń geografııalyq ornalasýyn jáne elimiz arqyly ótetin kólik-logıstıkalyq baǵyttaryn eskere otyryp, qosymsha qunmen birlesken ónim óndirisin qurýdyń tartymdylyǵyna basa nazar aýdaryldy. Qazaqstan delegasııasy «Astana» Halyqaralyq qarjy ortalyǵy bazasynda iskerlik qatynastardy damytý perspektıvalaryna erekshe nazar aýdardy.
Mádenı-gýmanıtarlyq baılanystardy nyǵaıtý týraly aıta kele, ıspan tarapy ıspan tilin úırenýge múmkindik beretin Ispanııa Elshiliginiń Nur-Sultandaǵy jańa ǵımaratynda «Servantes buryshynyń» jaqyn arada ashylýyn jarııalady.
О́z kezeginde R. Vasılenko ú.j. Madrıdte ıspan tilindegi Elbasy N.Nazarbaevtyń «Táýelsizdik dáýiri» kitaby jáne qazaq prozasy men poezııasynyń antologııasyn usynylatynyń jetkizdi. Sáýirdiń sońynda Madrıdte «Equus: JylqyTarıhy» derekti fılminiń premerasy ótedi.
Qazaqstan Respýblıkasy Syrtqy ister mınıstrliginiń basshysynyń orynbasarymen birge Ispanııa astanasyna Qazaqstan Respýblıkasy Indýstrııa jáne ınfraqurylymdyq damý mınıstrliginiń Azamattyq avıasııa komıtetiniń tóraǵasy Talǵat Lastaev, ulttyq ekonomıka, sıfrlyq damý, qorǵanys jáne aeroǵarysh mınıstrlikteriniń ókilderi, sondaı-aq «QazaqstanInjınırıng» ulttyq kompanııasy ókilderi keldi.
Sapar aıasynda Qazaqstan men Ispanııanyń avıasııalyq bılikteri arasynda yntymaqtastyq týraly Memorandýmǵa qol qoıylyp, áýe qatynasy týraly úkimetaralyq kelisimniń mátinine qol qoıyldy. Qol qoıylǵan memorandým eki el arasynda tikeleı áýe reısterin ashý úshin quqyqtyq negiz qalaýda.
Kelissózderdiń sońynda R. Vasılenko «EFE» jetekshi ıspan aqparattyq agenttigine suhbat berdi. Suhbat barysynda ekijaqty yntymaqtastyqtyń jaı-kúıi men perspektıvalary týraly ózekti suraqtarǵa jaýap berdi, sondaı-aq Qazaqstannyń ishki saıası ómirindegi sońǵy ózgerister týraly habardar etti.
Anyqtama retinde: Ispanııa saýda aınalymy boıynsha Qazaqstannyń eń iri on saýda seriktesteri qataryna kiredi. 2018 jyly ekijaqty taýar aınalymy 20% artyp, $ 2.041 mlrd. quraǵan. 2005 jyldan bastap 2018 jyldyń III toqsanyna deıin Ispanııadan Qazaqstanǵa tikeleı ınvestısııalardyń jalpy aǵymy 205,4 mln AQSh dollaryn qurady. Qazaqstanda ıspan kapıtaly bar 66 kásiporyn tirkelgen.
