Atyraý oblysy ákiminiń birinshi orynbasary Serik Shapkenovtyń tapsyrmasymen mektep-ınternat basshylyǵynyń tarapynan qol kóterý jaǵdaıyna baılanysty qyzmettik is júrgizetin komıssııa quryldy jáne qylmystyq qýdalaý, onyń ishinde jumystan bosatý týraly sheshim qabyldanady.
- Qazir prokýratýra qol kótergen tárbıeshilerge qatysty sotqa deıingi tergeý júrgizýde.Bul jabaıylyq jáne biz buǵan tosqaýyl qoıýymyz kerek, aldymen mektep-ınternattardyń basshylyǵyn teksergen jón, bul óz qyzmetterine salǵyrt qaraý. Barlyǵyn tekserip, qatań jazalaý kerek,- dep tapsyrdy Serik Shapkenov komıssııa jıynynda.
Sonymen qatar, oblys ákiminiń birinshi orynbasary múmkindigi shekteýli balalardy qadaǵalaıtyn jumyspen qamtýdy úılestirý jáne áleýmettik baǵdarmalar basqarmasy basshysynyń orynbasaryna sógis jarııalaýdy tapsyrdy.
- Komıssııa quramyna qoǵam belsendileri kiredi, osy komıssııaǵa kez- kelgen mekemeni kez-kelgen ýaqytta qadaǵalap, tekserý quqyǵy berilýi tıis, erekshe balalardy oqytýdy jeke qadaǵalaǵan jón,- deıdi Shapkenov. – Sondaı-aq, barlyq mektep-ınternattar synyptary ınternetke qosylyp, ata-analardyń, qoǵam belsendileri men tekserýshi organǵa baqylaýǵa múmkindik jasalady.
Atyraý
