Syrtqy saıası vedomstvonyń basshysy suxbattasyna Qazaqstandaǵy mańyzdy saıası ózgerister týraly, atap aıtqanda, Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń ókilettikterin toqtatý jáne olardy Qazaqstan Respýblıkasynyń Konstıtýsııasyna sáıkes Parlament Senatynyń Tóraǵasy Qasym-Jomart Toqaevqa berý týraly habardar etti. Qazaqstan QHR-men qarym-qatynastardy damytý úshin júrgizip kele jatqan syrtqy saıası baǵytty saqtap qalatynyn atap ótti.
V. Sıshan Qazaqstannyń ishki saıası oqıǵalaryn muqııat qadaǵalaǵanyn atap ótti. «Nursultan Nazarbaevtyń sheshimi óz eline degen joǵary jaýapkershiligi jáne tereń súıispenshiligi baıqalady, bul onyń álemdik deńgeıdegi saıasatker ekendigin kórsetti», - dedi QHR Tóraǵasynyń orynbasary.
Qytaı tarapy Elbasy N.Nazarbaevtyń Qazaqstannyń memlekettik qurylysyndaǵy tarıhı rólin joǵary baǵalady, sondaı-aq qazirgi ýaqytta órbip kele jatqan jáne eki el arasyndaǵy tatý kórshilestik qatynastardyń úlgisi bolyp tabylatyn Qazaqstan-Qytaı qatynastaryn qalyptastyrýǵa qosqan eleýli úlesin atap ótti. Munyń barlyǵy Qazaqstan men QHR basshylarynyń jeke qarym-qatynasy arqasynda múmkin boldy.
«Beldeý jáne jol» bastamasy aıasynda ózara tıimdi yntymaqtastyqqa erekshe nazar aýdaryldy. Qazaqstan 21 ǵasyrdyń jahandyq jobasyna aınalǵan osy bastamany qoldaıtyn tuńǵysh el bolǵanyn atap ótti. Búginde Qazaqstan men Qytaı eki eldiń ıgiligine qyzmet etetin «Beldeý jáne jol» bastamasyn QR-diń «Nurly jol» Jańa ekonomıkalyq saıasatymen ushtastyrý boıynsha belsendi jumys júrgizip keledi.
