О́ńirdegi Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý jónindegi komıtettiń málimetinshe, elimizdiń Qaýipsizdik keńesiniń byltyrǵy otyrysynda Elbasy tapsyrmasyna sáıkes, tabıǵı monopolııalar nysandarynyń tarıfterin tómendetý boıynsha biraz jumys atqarylypty.
Al, 2015 jyly qabyldanǵan zańnamaǵa sáıkes, kommýnaldyq qyzmet kórsetetin monopolısterdiń, olardyń qatarynda oblys ortalyǵyndaǵy «Energo-sbyt», «Vodokanal» JShS kompanııalary bar, 2016-2020 jyldarǵa arnalǵan shekti tarıfter deńgeıin bekitken.
Bul zańnama jyl saıyn tarıfter ósedi. Oblys ortalyǵynda jylýmen qamtý kólemi 3,1 paıyzǵa, sýmen qamtý kólemi 15,6 paıyzǵa kóbeıer edi.
Sondyqtan, byltyrǵy tapsyrma barysynda bul ósimdi boldyrmaýdyń amaldary jasaldy.
Iаǵnı, tómendetilgen tarıf baǵalaryna arnalǵan baǵdarlamalaryn monopolıster bir- eki jylǵa arnap ázirlegen.
Nátıjesinde, qazir «Pavlodar-Vodokanal» JShS sýdy paıdalaný quraldary bar tutynýshylar úshin tarıfti 9,4 paıyzǵa tómendetip, bir sharshy metri úshin burynǵydaı 36,32 teńge emes, 32,92 teńge alay.
Al, arnaıy esepteý quraldary joq turǵyndar úshin baǵa 9,6 paıyzǵa arzandap, 54,65 teńgeden 49,40 teńgege deıin tústi.
Sonymen qatar, departamenttiń málimetinshe, bıylǵy jyldyń 1 qańtarynan bastap «Qazaqstan alıýmınııi» AQ-nyń №3 JEO-nan beriletin jylý baǵasy 9,1 paıyzǵa, «Pavlodar jylý jelileri» JShS-niń tarıfi 2,6 paıyzǵa, elektr energııasynyń baǵasy 5 paıyzǵa tómendedi.
Sóıtip, 1 bólmeli páter ıeleri jylý aqysynan aıyna 194,7 teńge, 2 bólmeli páter turǵyndary 389,4 teńge, 3 bólmeli páter ıeleri 519,2 teńge únemdeýde.
Pavlodar oblysy
