Aımaqtar • 31 Naýryz, 2019

Pavlodar oblysynda 691 kóp balaly otbasy turǵyn úı kezeginde tur

392 ret kórsetildi

Oblystyq máslıhattyń kezekti XXIX sessııasynda óńirdegi kóp balaly jáne az qamtamasyz etilegen otbasylardy qoldaýǵa 2 mlrd teńge bólinetini aıtyldy.

Bul qarajattyń 1 mlrd teńgesi jergilikti bıýdjet, qalǵan 1,3 mlrd teńgesi respýblıkalyq bıýdjetten.

Sonymen birge, Aqsý qalasy Astana kóshesi 58 turǵyn úıden 102 páterdi  jalǵa berýdiń nátıjesinde 102 otbasy baspanaly bolmaq.

Oblystyq Energetıka jáne Turǵyn úı–kommýnaldyq sharýashylyǵy basqarmasynyń málimetinshe, bul kúnderi  turǵyn úı kezeginde turǵan 691 kópbalaly otbasylardyń jaǵdaı turaqty nazarda.

 Jalpy, óńirde  4 jáne odan da kóp balany tárbıelep otyrǵan 3839 otbasy bar. Olardyń 300-den astamyna ataýly áleýmettik kómek kórsetiledi. 

Al, 1-shi sáýirden bastap oblys boıynsha kóp balaly otbasylardyń 3  myńnan asa balasy balalar baqshasyna tegin qabyldanady.

Jáne az qamtamasyz etilgen otbasylardyń 12 myńnan asa oqýshysynyń mektepte tegin tamaqtanýy, jazǵy demalysy men kıim-keshekpen qamtylýy máselesi qolǵa de alynady.

Kún tártibindegi osy máselege oblys ákimdigi tarapynan qala jáne aýdan ákimderine   qoǵamnyń kásipkerlik jáne basqa da ókilderin qatystyrý jóninde tapsyrma berildi.

 Iаǵnı, tapsyrma boıynsha qala jáne aýdan ákimderi, barlyq deńgeıdegi máslıhattar depýtattary osy máseleni bıznes ókilderimen birlese sheshýi tıis.

Bul kúnderi oblystyq bıýdjetten «Biryńǵaı áleýmettik qyzmetter paketi jáne az qamtylǵan kóp balaly otbasylardy qoldaýdy» júzege asyrý jumystary bastalyp ta ketti.

Pavlodar oblysy

Sońǵy jańalyqtar

Uqsas jańalyqtar