Qarııany izdestirgen jergilikti eriktilermen birge júrgizgen jumystyń nátıjesinde, onyń shekaradan ótip ketkeni belgili bolady. Reseılik áriptesteriniń habarlaýymen Qostanaı oblysynyń Denısov aýdanyndaǵy Komarov selolyq okrýgindegi ýchaskelik ınspektor Sábıt Báıtishev Antonına Chepýhınany Komarov selosynan 10 shaqyrym jerdegi «Ýstrashımoe» dep atalatyn kól janyndaǵy saıda adasyp júrgen jerinen taýyp aldy. Qarııa ábden tońǵan, áli ketip, dirildep tur eken. Ol shamamen 35 shaqyrym jer júrgen.
Ýchaskelik ınspektor ony aýylǵa ákelip, oǵan medısınalyq kómek kórsetildi, tamaq iship, jylynyp, janyn shaqyrǵandaı boldy. Polıseı qarııanyń týystarymen habarlasyp, onyń tabylǵanyn aıtyp, «súıinshi» surady. Olar polısııa qyzmetkerlerine alǵystaryn aıtty. Rasynda, polısııanyń jergilikti jerdiń oı-shuqyryn jetik biletin mol tájirıbesi bolmaǵanda, qaıǵyly oqıǵadan qutylmas pa edi...
Qostanaı
