Aımaqtar • 31 Naýryz, 2019

Pavlodarlyq oqýshy 1360 sirińkeden kesene qurastyrdy

808 ret kórsetildi

Qyzyljar aýyly mektebinde tehnologııa pániniń muǵalimi Asqar Aqanov basqaratyn «Sheber qoldar» úıirmesi jumys jasaıdy.


Úırme aýyl balalaryn tehnologııa, sáýlet, qurylys salalaryna beıimdep, fızıka, matematıka pánderine qyzyǵýshylyqtaryn arttyrýda.

-Keseneni jasaýǵa eki jyldaı ýaqyt ketti. Árıne, óte kúrdeli jumys. Oqýshylardan shydamdylyqty talap etedi. Odan keıin temirden qyran búrkit jasadyq, -deıdi  Asqar Maǵzumuly.

Mekteptiń 10 synyp oqýshysy Temirlan Qalıevtiń aıtýynsha, kesene qurastyrýda eń qıyny-sirińkeniń jińishke taıaqshalaryn bir-birine jelimdep jabystyrýda bolypty.

 Taıaqshalardy bir shetinen bastap, sońynan deıin túzý kúıinde tizip shyǵý da ońaıǵa soqpapty. Úıi men sheberhana arasyna kóterip júrip jasap shyqqan eken.

Túrkistandaǵy uly baba kesenesin sýretten kórip qyzyǵyp, ózim de shaǵyn keskinin jasap kórsem qaıtedi degen oıǵa kelgen. Aldymen jobasyn syzyp, qajetti jabdyqtaryn daıyndady. Ustazy Asqar aǵasymen aqyldasyp baryp, qolǵa alypty.

Al, jarqyrap turǵan qyran búrkitti temirden synyptasy Sultan Jutaev jasapty.

Aldaǵy ýaqytta Temirlan men Sultan qobyz jasaıtyn bolsa, oǵan 8 myńnan astam sirińke jelimdeý kerek eken.

Úıirme músheleriniń barlyǵy da alýan qolóner týyndylaryn jasaıdy, osyǵan oraı ǵylymı jobalaryn qorǵaıdy.

Synyptastary Erkesh Serik, Qaırat Ahanov, Aıdyn Baıhanov, Saılaý Tólepbergen,Sherhan Janbaev barlyǵy da respýblıkalyq qolóner, Innovasııalyq kórmelerdiń jeńimpazdary.

Bıyl Zeınolla Asylan bolsa, «Innovasııalyq Pavlodar» jobasy úshin oblys ortalyǵyndaǵy Innovasııalyq Eýrazııa ýnıversıtetiniń oqý grantyn ıelendi.

Sonymen birge, oqýshylar «Innovasııalyq Pavlodar», «Jas tehnıkter – aýyl sharýashylyǵyna», «Aǵashtan, tastan, sazdan buıymdar jasaý», «Metaldy óńdep, zergerlik buıymdar, beder salý, soǵý» sııaqty úıirmeniń túrli bólimderine sabaqtan tys ýaqytta kele alady.  

Taqtaıdy súrgileý, qurastyryp, bekitý, symmen ysyp kúıdirý, kesip alý, árleý, aǵash bólshekterin jelimdeý ádisterine úırenedi.

 Juqa metaldy óńdeý tehnologııasy boıynsha elektr qurylǵylaryn qańqaǵa bekitý, sý sorǵy qondyrǵysyn qurastyrý ádisteri, sý sorǵyny haýyzǵa ornatý, bezendirý shamdaryn elektrlik jalǵaý arqyly túrli syzbalar daıyndaıdy.

Mysaly, bótelke qaqpaqtary, qaldyq materıaldardan kórkem buıymdar, maketter jasaý arqyly taǵy da paıdaǵa jaraıtynyn,qorshaǵan ortany lastamaýdy túsinedi.

Oqýshylar túrli kólikter, kemeler keskinderin jasaǵan bolsa, endi tikushaq qańqasyn, negizgi jáne artqy qalaqshalaryn qurastyrýda.

-Meniń izdenisterim-jańa tehnologııalar. Tehnologııalar syryn balalarǵa úıretý. Ár balanyń ózinshe jasaǵan ınnovasııalyq izdenis eńbegi jetistikke jetkizedi. Oqýshylarymyz jasaǵan qolóner jumystary baıqaýlarǵa qatysyp, kórmelerge qoıylady. Balalar yntalanady. Alǵa qaraı talpynyp, únemi izdeniste júredi, –deıdi Asqar Maǵzamuly.


Pavlodar oblysy,

Qyzyljar aýyly

Sýretti túsirgen: Almıra Aqanova


Sońǵy jańalyqtar

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

«Real» – Sýperkýbok ıegeri

Fýtbol • Búgin, 08:40

Anderkardta kúsh synasady

Sport • Búgin, 08:37

Shilde aıyndaǵy úzdikter anyqtaldy

Fýtbol • Búgin, 08:35

Shahmatshylardyń tarıhı jetistigi

Sport • Búgin, 08:34

«Altyn taı» Aıagózdiń enshisinde

Aımaqtar • Búgin, 08:32

Uqsas jańalyqtar