– Qaraǵandyda Fashion ındýstrııasyn damytý kópten beri oıymda júrgen ıdeıa edi. Búginde bul salanyń mańyzdy ári qajet ekenine jurttyń da kózi jete bastady. Pikirlesterim men qoldaýshylarymnyń barlyǵyna qýanyshtymyn. Al atalǵan baıqaýdyń jańa deńgeıge shyqqany – biz tańdaǵan joldyń durystyǵyn kórsetedi, – deıdi joba avtorlarynyń biri Irına Nechaeva.
Baıqaýdaǵy áshekeıshiler saıysynda qaraǵandylyq Olga Sellerge teń keler eshkim bolmady. Qolóner sheberiniń kenshiler qalasynyń ereksheligin kórsetetin toptamasynda tas kómir men tabıǵı gúlder úılesim taýyp, kózdiń jaýyn alatyn alýan túrli áshekeı buıymdaryna aınalǵan. Bas júldege ıe bolǵan jeńimpaz endi Máskeý qalasynda ótetin halyqaralyq baıqaýda baq synaıtyn bolady.
Olganyń negizgi mamandyǵy ekonomıst. Bezendirý dızaınymen tórt jyldan beri aınalysyp keledi.
– Barlyǵy hobbıden bastaldy. Men ózime jáne qurbylaryma arnalǵan aksessýarlar jasadym. Sodan keıin shaıyr ústine tabıǵı gúlderden áshekeı jasaý tehnologııasyn meńgerdim. Hobbıim kele-kele kásibime aınaldy. Qazir kolleksııalarmen jumys isteımin jáne ózimniń biregeı stılimdi jasaýǵa tyrysyp kelemin, – deıdi Olga Seller.
Al «Úzdik dızaıner» atalymy boıynsha bas júlde elordalyq sheber Kamılıa Súleımenovaǵa buıyrdy. Jeńimpazdyń kıiz óńdeý isine zamanaýı lep berip, ony jańa qyrynan tanyta bilgen sheberligi qazylar alqasynan joǵary baǵa aldy.
QARAǴANDY
