Prezıdent qarsylyǵyn eńsere almady

Beısenbi, 12 qańtar 2012 7:49

Budan buryn habarlaǵanymyzdaı, Konstıtý­sııalyq Keńes Ortalyq saılaý komıssııasynyń haty boıynsha qoldanylyp otyrǵan tótenshe jaǵdaı kezinde Mańǵystaý oblysynyń Jańa­ózen qalasynda besinshi saılanatyn jáne Parlament Májilisi depýtattarynyń kezekten tys saılaýyn jáne máslıhattar depýtattarynyń kezekti saılaýyn ótkizý múmkindigine qatysty óziniń 2004 jylǵy 9 sáýirdegi №5 qaýlysyn túsindirý týraly qosymsha qaýly qabyldaǵany belgili. Onda Konstıtýsııalyq Keńes Ortalyq saılaý komıssııasynyń Mańǵystaý oblysy Jańaózen qalasynda respýblıkanyń ókildi organdaryna saılaý ótkizýge baılanysty máse­leler boıynsha joldaǵan suraqtaryna saı túsindirme berdi.

Beısenbi, 12 qańtar 2012 7:49

Budan buryn habarlaǵanymyzdaı, Konstıtý­sııalyq Keńes Ortalyq saılaý komıssııasynyń haty boıynsha qoldanylyp otyrǵan tótenshe jaǵdaı kezinde Mańǵystaý oblysynyń Jańa­ózen qalasynda besinshi saılanatyn jáne Parlament Májilisi depýtattarynyń kezekten tys saılaýyn jáne máslıhattar depýtattarynyń kezekti saılaýyn ótkizý múmkindigine qatysty óziniń 2004 jylǵy 9 sáýirdegi №5 qaýlysyn túsindirý týraly qosymsha qaýly qabyldaǵany belgili. Onda Konstıtýsııalyq Keńes Ortalyq saılaý komıssııasynyń Mańǵystaý oblysy Jańaózen qalasynda respýblıkanyń ókildi organdaryna saılaý ótkizýge baılanysty máse­leler boıynsha joldaǵan suraqtaryna saı túsindirme berdi.

О́ıtkeni, Konstıtýsııalyq Keńes saılaý uıymdastyrý jáne ótkizý máselelerine, sondaı-aq saılaý komıssııalarynyń qyzmetine qatysty birqatar qaýlylar qabyldaǵany belgili. Má­selen, solardyń biri 2004 jyly sáýir aıynda Memleket basshysynyń ótinishi boıynsha qa­ralyp, bul ótinishte Parlament qabyldaǵan «Qazaqstan Respýblıkasyndaǵy saılaý týraly» Konstıtýsııalyq zańyna ózgerister men tolyq­tyrýlar engizý týraly» Konstıtýsııalyq zańy­nyń Ata Zańǵa sáıkestigi týraly másele qoıyl­ǵan bolatyn. Sóıtip, Konstıtýsııalyq Keńestiń qaýlysymen bul Konstıtýsııalyq zań Negizgi Zańǵa sáıkes dep tanyldy.
Mine, endi, Mańǵystaý oblysynyń Jańaózen qalasynda engizilgen tótenshe jaǵdaı rejimimen tuspa-tus kelgen besinshi saılanatyn Parlament Májilisi depýtattarynyń kezekten tys saılaýyn jáne máslıhattar depýtattarynyń kezekti saılaýyn daıyndaý úderisi Konstıtýsııalyq Keńestiń atalǵan osy qaýlysyn qoldanar kezde Ortalyq saılaý komıssııasynda keıbir quqyq­tyq baǵyttardy naqtylaý týraly másele týyndady. Sondyqtan Ortalyq saılaý komıssııasy atalǵan qaýlyǵa túsinik berý týraly Kons­tıtýsııalyq Keńeske hat joldap, Qazaqstan Res­pýblıkasy Prezıdentiniń Mańǵystaý obly­synyń Jańaózen qalasynda tótenshe jaǵdaı engizý jáne onyń qoldanysyn uzartý týraly Jarlyqtarynyń negizinde Ortalyq saılaý komıssııasy elimizdiń ókildi organdaryna depýtattar saılaýyn Mańǵystaý oblysynyń Jańaózen qalasynda ótkizýge quqyly ma degen birqatar suraqtar qoıǵan edi.
Buǵan Konstıtýsııalyq Keńes memlekettiń azamattardyń saılaý quqyǵy júzege asyry­lýynyń tártibi men sharttaryn aıqyndap qana qoımaı, bul quqyǵyn ózge de konstıtýsııalyq quqyqtary jáne bostandyqtarymen birge tolyq kóleminde ózderiniń jeke qaýipsizdigi, sondaı-aq saılaýdyń jarııalylyǵy men básekelestigi jaǵdaıynda iske asyrýyn da qamtamasyz etýge tıis dedi. Alaıda, tótenshe jaǵdaı rejimi kezinde jeke jáne zańdy tulǵalardyń birqatar quqyqtary men bostandyqtaryna ýaqytsha shekteý qoldanylatyn jaǵdaıda mundaı maqsattarǵa qol jetkizý óte qıyn. Demek, tótenshe jaǵdaı qoldanylyp otyrǵan kezde el azamattarynyń óz qalaýyn erkin bildirýin, konstıtýsııalyq quqyqtary men bostandyqtaryn tolyq júzege asyrýyn qamtamasyz etý múmkin bolmaýyna baılanysty, Tótenshe jaǵdaı týraly zańda tike­leı tyıym salynǵandyqtan, tótenshe jaǵdaı rejimi qoldanylyp otyrǵan jerlerde saılaý ótkizilmeıdi jáne osyǵan saı Ortalyq saılaý komıssııasy óz quzyreti sheginde Konstıtýsııa­nyń jáne respýblıka zańnamasynyń talaptaryn júzege asyrýǵa qajetti sharalardy qabyl­daıdy, dep sheshimin túıindegen bolatyn.
Degenmen, Konstıtýsııanyń 73-babynyń 4-tar­maǵynda Konstıtýsııalyq Keńestiń sheshi­mine Respýblıka Prezıdenti qarsylyq bildire alatyndyǵy jazylǵan. Bul qarsylyq Konstı­týsııalyq Keńes músheleri jalpy sanynyń úshten ekisiniń daýsymen eńserile alady. Prezıdent qarsylyǵy eńserilmegen jaǵdaıda Konstı­týsııalyq Keńestiń sheshimi qabyldanbady dep esepteledi. Mine, osyǵan oraı Prezıdent ústimizdegi jyldyń 10 qańtarynda Konstıtý­sııalyq Keńestiń atalǵan qosymsha qaýlysyna qarsylyq engizdi, ıaǵnı veto qoıdy. О́ıtkeni, Memleket basshysy qabyldaǵan sheshimniń bas­ty maqsaty – Jańaózen turǵyndary úshin memlekettik bılik pen jergilikti ózin-ózi basqarý organdaryna saılaý jáne saılanýdaǵy ózderiniń konstıtýsııalyq quqyqtaryn iske asyrý múmkindigin qamtamasyz etý boldy.
Sóıtip, keshe Memleket basshysynyń atalǵan qarsylyǵyn Konstıtýsııalyq Keńes músheleri daýysqa saldy. Osyǵan oraı Kons­tıtýsııalyq Keńes múshesi I.Baqtybaev Konstı­týsııalyq Keńes Konstıtýsııanyń 73-babynyń 4-tarmaǵyn jáne «Qazaqstan Respýblıkasynyń Konstı­tý­sııalyq Keńesi týraly» 1995 jylǵy Konstıtý­sııalyq zańynyń 38-babynyń 3-tar­maǵyn basshylyqqa alyp, Konstıtýsııalyq Keńestiń 6 qańtardaǵy №1 qosymsha qaýlysy qabyldan­bady dep esepteıdi jáne Ortalyq saılaý komıs­sııasynyń Qazaqstan Respýblı­kasyn­daǵy saılaý týraly «Qazaqstan Respýblıka­synyń Konstı­týsııalyq zańyna ózgerister men tolyq­ty­rýlar engizý týraly» zańyn Konstıtý­sııaǵa sáıkestigi jónindegi tekserý týraly Konstı­týsııalyq Keńestiń 2004 jylǵy 9 sáýir­degi №5 qaýlysyna túsindirme berý jónindegi ótinishi boıynsha Konstıtýsııalyq is júrgizý qysqar­tylsyn dep qaýly etedi, dedi. Osylaısha Kons­tıtýsııalyq Keńes músheleri daýys bergende Memleket basshysynyń qarsylyǵy eńserilmedi.
Aleksandr TASBOLATOV.