2019 jylǵy alǵashqy shyǵarylym Syrtqy ister mınıstri Beıbit Atamqulovtyń «SIM damýdyń jańa kezeńinde» atty maqalasynan bastalady. Onda Mınıstrliktiń ınvestısııalardy tartý boıynsha memlekettik saıasatty iske asyrý mindetteri men eksportty ilgeriletýdegi róli belgilengen.
Shyǵarylymda Ortalyq Azııadaǵy jaǵdaıǵa jáne birtindep kúsheıip kele jatqan Qazaqstan-О́zbekstan qatynastaryna erekshe nazar aýdaryldy. О́ńirlik qaýipsizdik aıasyndaǵy Qazaqstan men О́zbekstannyń kópjosparly ekijaqty yntymaqtastyǵy týraly kózqarasymen О́zbekstan Respýblıkasynyń Syrtqy ister mınıstri Abdýlazız Kamılov «Dıplomatııa jarshysy» úshin jazǵan eksklıýzıvti maqalasynda bólisedi.
«Ekonomıkalyq dıplomatııa» aıdarynda oqyrmandardyń nazaryna «Astana» Halyqaralyq qarjy ortalyǵynyń Bırja basqarmasynyń tóraǵasy Tımotı Bennett jáne Polpharma iri farmasevtıkalyq kompanııasynyń Baıqaýshy keńesiniń tóraǵasy Ejı Staraktyń jarııalanymdary usynylady.
Jýrnal «Kitap sóresi» atty jańa aıdarmen tolyqtyryldy. Elbasy jarııalaǵan Jastar jyly aıasynda Syrtqy ister mınıstrligi «Qazaqstan dıplomatııasynyń jańa esimderi» atty biregeı kitabyn basyp shyǵardy. Basylymda Qazaqstan Respýblıkasy Prezıdenti janyndaǵy Memlekettik basqarý akademııasynyń Dıplomatııa ınstıtýtynyń dırektory Marıan Ábishevanyń syn pikiri usynylǵan.
Kóktemgi shyǵarylymda Tatarstan Respýblıkasynyń Qazaqstan-Reseı strategııalyq áriptestigindegi orny; elimizdiń ıadrolyq qarýsyzdanýdan BUU bitimgershilerin daıyndaýǵa deıingi joly; Qazaqstandaǵy dinı salany damytý; áleýmettik jeliler dıplomatııasy jáne t.b. mańyzdy taqyryptar berilgen
«Dıplomatııa jarshysy» qazaq, orys («Vestnık dıplomatıı») jáne aǵylshyn tilderinde («The Diplomatic Herald of Kazakhstan») basyp shyǵarylady.
