Túmen turǵyndary úshin ázirlengen týr baǵdarlamasy QR Elordasynyń kórnekti jerlerine sholý ekskýrsııasyn jáne Balqash kóline transferdi qamtıdy. Túmendikterdi jańa týrıstik marshrýtta kún men jaǵajaı demalysy ǵana emes, sonymen qatar tartymdy baǵalar da qyzyqtyrady dep boljanýda.
Balqash kýrorttyq aımaǵy – týrızmniń óńirlik damýynyń negizgi núkteleriniń biri. Ol respýblıkalyq týrıstik kartanyń TOP-10 nysanyna engizilgen.
Ishki jáne syrttan kelý týrızmin damytýdyń memlekettik baǵdarlamasy jańa nysandardy salýdy, jaǵajaılardy abattandyrýdy, kommýnıkasııalardy júrgizýdi kózdeıdi. Negizgi nysan retinde eki demalys aımaǵy anyqtaldy — Shubar-Túbek jáne Toryńǵalyq.
Bıylǵy jyly uzyndyǵy 360 shaqyrymdy quraıtyn tórt jolaqty "Qaraǵandy-Balqash" avtobanynyń qurylysyn bastaý josparlanyp otyr.
