«Biz otyrysty zaýytta beker ótkizip otyrǵan joqpyz, óıtkeni bizdiń búgin qarastyrǵaly otyrǵan suraǵymyz – tehnıkalyq mamandyǵy bar túlekterdi jumysqa ornalastyrý. Stýdentter oqý bitirgen soń qaıda jáne nemen jumys isteıtinderin túsiný úshin osyndaı óndiris oryndarynda jıi bolýlary kerek. Statıstıkaǵa sáıkes, ortasha alǵanda bizdiń oblysta joǵary bilimi bar túlekter shamamen 70 %-y jumysqa ornalasqan. Biz problemanyń nede ekenin, nege tolyq jumysqa ornalaspaǵanyn túsinýimiz kerek. Sondyqtan búgingi otyrysqa jastarmen qatar osy suraqqa tikeleı qatysy bar oqý oryndary men kásiporyn basshylary qatysyp otyr. Naqty sheshý joldaryn anyqtaıtyn qurylymdy suhbat bolady dep senemin»,- dedi sharany ashqan Ońdasyn Orazalın.
Otyrysta bilim ımıdjin kóterý, oqý oryndarynda básekege qabiletti mamandardy daıarlaý máseleleri qaraldy. "Qazhrom» TUK» AQ prezıdenti Arman Esenjolov, «SNPS Aqtóbemunaıgaz» AQ bas dırektory Veı Iýısıan, «ARBZ» JShS bas dırektory Valerıı Obıles stýdentterge jas mamandardyń jumysqa ornalasýy men olardyń qyzmettik ósýi jaıynda aıtyp berdi. Aıta keteıik, óńirdegi iri kásiporyndardyń basshylary men jastar qos tarapty oqytýdy damytý qajettigi týraly ortaq pikirge keldi.
Oblys ákimi: «Qosarly kásibı oqytý júıesi joǵary bilikti mamandardy daıarlaýdyń neǵurlym tıimdi formasy retinde búkil álemge tanyldy. Ony engizý jumystary bizde joǵary oqý oryndarymen qatar kolledjderde júıeli túrde júrgizilýi tıis»,- dep atap ótti.
«Munda másele sapaly bilim berý jaıynda. Biz oǵan basa nazar aýdaramyz, sondyqtan biz joǵary oqý oryndarynda oqyp jatqandardyń óndiriste tájirıden ótkenderin tolyq qoldaımyz. Mysalǵa, jyl saıyn bizdiń aqtóbelik kásiporyndarda 160-tan astam stýdent tájirıbeden ótedi. Tek ótken jyldyń ózinde bizdiń óndiristerge elýden asa stýdent jumysqa qabyldandy. Sonymen qatar, bizge 600-700 jumysshy mamandary qajet ekenin aıtqym keledi»,- dep atap ótti «Qazhrom» TUK» AQ prezıdenti Arman Esenjolov óz kezeginde.
Oblys ákimi kásiporyndardyń deni barlyq tehnıkalyq qujattamlardy ókinishke qaraı, orys nemese shetel tilderinde júrgizetinderin baıqady.
«Bul ókinishke qaraı, biz turǵan zaýytta da baıqalyp tur. Barlyq paketter, stendter ne resmı, ne shet tilinde jazylǵan. Osy turǵyda zaýyttarmen qatar oqý oryndarynda da qazaq tilindegi kásibı termınologııany damytý úshin birdeńe qylý kerek»,- dedi oblys ákimi.
О́ńir basshysy sondaı-aq, «SNPS-Aqtóbemunaıgaz» AQ bas dırektorynyń aýdarmashysyna da basshysynyń sózin orys tiline aýdarǵany úshin jumsaq tilmen eskertý jasady.
«Siz qytaı tilin jaqsy meńgergensiz. Qazaq tili qytaı tilinen qıyn emes dep oılaımyn. Otandastaryńyzdyń aldynda qytaı tilinen ana tilińiz - qazaq tiline aýdarma jasaǵanyńyz durys bolar edi»,- dedi O.Orazalın.
Otyrys kezinde óńir basshysy aýyl jastarynyń jumysqa ornalasý máselesin qozǵady.
Ońdasyn Orazalın: «Aýyl jastaryna, sonyń ishinde qalaǵa kelgen jastardyń jumysqa ornalaýy men bilim alýy úshin barynsha qoldaý kórsetý qajet. Búginde bastysy nıet bolý kerek, sonda ǵana jastar tegin bilimdi de ala alady, laıyqty eńbekaqysy bar jumysqa da tura alady. Bastysy, olardyń alǵa umtylysy bolsa, al jaýapty memlekettik organdar, oqý oryndary men jumys berýshiler jan jaqty qoldaý kórsetse»,- degen senimde.
Shamamen eki saǵatqa sozylǵan kezdesýde stýdentter túrli suraqtatyn qoıyp, usynystaryn aıtty. Jastar býyn ókilderi qoǵamnyń progressıvti bóligi retinde naǵyz talqylanyp jatqan taqyryp – Tuńǵysh Prezıdent Nursultan Nazarbaevtyń otstavkaǵa ketýin aınalyp ótpedi.
«Nursultan Ábishuly taqtan ketse de, bizge árqashan halyqpen birge bolyp, olardyń múddesin oılaıtynyn uqtyrdy. Men Aqtóbe oblysy jastarynyń atynan biz de Ult kóshbasshysymen birge ekenimizdi aıtqym keledi»,- dedi otyrysta sóz sóılegen Q.Jubanov atyndaǵy AО́MÝ magıstratýrasynyń ekinshi kýrs stýdenti Narqozy Qartjan.
Ońdasyn Orazalın: «Nursultan Ábishuly jastardyń damýyna árqashan kóńil bólip keldi. Sol úshin onyń bastamasymen kóptegen memlekettik baǵdarlamalar, jobalar jasaldy. Ol álemdik deńgeıde básekege qabiletti urpaq ósý úshin qashanda el jastarynyń aldyna úlken múmkindikter men perspektıvalar ashýǵa tyrysty. Bárińiz de Ult kóshbasshysynyń úmitin aqtap, onyń Qazaqstannyń álemdegi damyǵan otyz el qataryna ený týraly tapsyrmasyn oryndaýǵa óz úlesterińizdi qosasyzdar dep senemin»,- dep jaýap qatty.
Kezdesý óńirdegi joǵary oqý oryndary men kolledjder túlekteriniń jumysqa ornalasýy týraly memorandýmdarǵa qol qoıýymen jalǵasty. «SNPS-Aqtóbemunaıgaz» AQ, «Aqtóbe rels-arqalyq zaýyty» JShS, «Aqtóbe mys kompanııasy» JShS, «TD Foton» JShS, «Qazaqstan munaı jabdyqtary» JShS, «PO Global-spesojejda» JShS men «Qazhrom» TUK» AQ kásiporyndary jumyspen qamtamasyz etý mindetterin óz moıyndaryna aldy.
Otyrys sońynda oblys ákimi elý jas mamanǵa jańa «Jastar» baǵdarlamasy boıynsha páterlerdiń kiltterin tabys etti. Sharttary jeńildetilgen baǵdarlamany oblys ákimdigi men «Turǵyúıqurylysjınaqbanki» fılıaly jumysshy jastar men jas mamandardy baspanamen qamtamsyz etý úshin birigip jasaǵan. Búgin ıpotekanyń 350 myń teńge kólemindegi bastapqy jarnany jınaı alǵan halyqtyń áleýmettik jaǵynan osal toptaryna jatatyn, kópbalaly otbasylardan shyqqan jastar, muǵalimder men dárigerler, polıseıler men qutqarýshylar, mádenıet qyzmetkerleri baspanaǵa ıe boldy.
«Anam, aǵam jáne men 11 jyl boıy páter jaldap keldik jáne óz úıimizdiń bolǵanyn armandadyq. Otbasymnyń eń úlken armany oryndalǵanyna qýanyshtymyn. Bizdiń oblysta jumysshy jastar úshin osyndaı bastapqy jarnasy kóp emes baǵdarlamany iske qosqandary úshin qýanyp turmyn. Bizge jasaǵan osyndaı qamqorlyǵy úshin memleketke rahmet»,- dedi qýanyshymen bólisken №60 mektep qyzmetkeri Nurasyl Úsenov.
Baqytty jańa qonys ıeleriniń qatarynda Ǵ.Jubanova atyndaǵy fılormonııa horynyń 23 jasar qyzmetkeri Serik Jubatqan da bar.
«Men ata-anammen, aǵammen jáne bala-shaǵammen turamyn. Endi óz úıimniń baryna qýanyshtymyn»,- dedi fılormonııa ártisi.
Aıta keteıik, «Jastar» baǵdarlamasynyń alǵashqy páterleri osy jyly 14 aqpanda áleýmettik salada eńbek etetin jas otbasylarǵa berilgen bolatyn.
