Atalǵan Assosıasııa quramynda 6 kásipker áıel bar. Jetekshisi - «ASU.KZ» sán úıiniń basshysy Aısulý Orazbaeva 20 jyldan beri osy salada eńbek etedi.
- Bar biletinimdi jastarǵa úıretkim keledi. Búgingi jastardyń tiginshilik iske, dızaınerlikke degen qyzyǵýshylyqtary joǵary. Talantty jastar kóp, solardyń bastaryn qosyp, shyǵarmashylyqtaryn shyńdaýǵa, óz isterin bastaýlaryna qoldaý kórsetýimiz kerek, - deıdi kásipker.
О́ńirlik Kásipkerler palatasynyń basshysy Abdolla Idresov ekijaqty memorandým aıasynda kópbalaly, jumyssyz, áleýmettik jaǵynan az qamtylǵan áıelderge arnaıy semınarlar uıymdastyrylatynyn aıtady.
Aımaqta budan basqa da áleýmettik mańyzdy jobalar qolǵa alyna bastady. Oblys ákiminiń tapsyrmasymen «Isker ana» jobasy aıasynda 300-den astam atyraýlyq qyz-kelinshek jańa kásip túrin meńgerýde. Aqysyz sheberlik saǵattary da bar. Atyraý servıs kolledjinde ótetin kezekti kýrsqa kópbalaly, jalǵyzbasty, jumyssyz áıelder qatysady dep josparlanyp otyr. Qaladaǵy belgili vızajıst Baqyt Myrzaǵalıeva men kondıter Dınara Ahmetova, tiginshi Aızada Kenen sulýlyq áleminiń qyr-syryn úıretip, tátti taǵamdar pisirýdi, ádemi kóılek tigýdi úıretedi. Áleýmettik osal toptaǵy áıelderdiń qoǵamnan qalys qalmaı, ózderin jetildirýleri úshin mundaı bastamalardyń máni zor.
