Elimiz ár óńirindegi temirjol kásiporyndarynyń mamandary eńbekti qorǵaý jáne qaýipsizdikti qamtamassyz etýdiń mańyzdy máselelerin talqyǵa saldy.
Forýmda sóz alǵan «QTJ» UK» AQ Bas ınjeneri Batyr Kotyrev óndiristik jaraqattardy tómendetý, qyzmetkerler úshin eńbek jaǵdaıynyń qaýipsizdigin qurý Kompanııa jumysynyń mańyzdy quramdas bóligi bolyp tabylatyndyǵyn atap kórsetti.
Forýmda «QTJ» UK» AQ qurylymdyq bólimsheleriniń ókilderi sóz alyp, «Jolaýshylar tasymaly» AQ, «QTJ-Júk tasymaly» AQ, Magıstraldyq jeli dıreksııasyndaǵy eńbekti qorǵaý jáne qaýipsizdik jaǵdaıy týraly jan jaqty habardar etti.
Kásipodaq komıteti men Memlekettik eńbek ınspeksııasynyń ókilderiniń qatysqan sharada eńbekti qorǵaý salasyndaǵy memlekettik basqarý saıasatyn júzege asyrý, qyzmetkerler men jumys berýshilerdiń áleýmettik áriptestigi máseleleri qaraldy.
Forýmda mamandar halyqaralyq «nóldik jaraqat» tujyrymdamasyn eskere otyryp, qyzmetkerler ómiri men densaýlyǵyn saqtaýǵa baǵyttalǵan usynystardy ortaǵa salyndy.
Forýmǵa qatysýshylar Atyraý men Mahambet stansııalary óndiristik bólimshelerinde bolyp, qaýipsiz jumys júrgizý tájirıbelerimen bólisti.
Shara aıasynda kóptegen jyldar jaraqatsyz jumys istegen kásiporyndar «Senim sertıfıkattaryna» ıe boldy. Sertıfıkatqa ıe bolǵandar eńbek qaýipsizdigi jáne qaýipsizdik jaǵdaıyn baǵamdaıtyn kezekti josparly tekserýden bosatylady.
Forým sheńberinde qaýipsizdik qural-jabdyqtary men arnaıy kıim kórmesi de ótkizildi.
