– Jańashyl týyndylar usynyp júrgen jastardy da qoldap kelemiz. О́z jerimizde paıda bolǵan q-pop janrynyń jankúıerleri de kóp. Qazaq tili men mýzykasyn túrlendirip, ózdiginshe damytqan bul sýbmádenıetke de arnamyz efırinen oryn berdi. «JańǵyryQ» jobasy ózindik oıymen, oryndaý mánerimen, shyǵarmashylyq ıdeıasymen erekshelenetin avtorlardy jınaıtyn mýzykalyq alań. Bul joba mýzyka salasyndaǵy avtorlyq kózqaras pen oryndaýshylyq ózgeshelikterdi kórsetýimen qundy. Joba buqaralyq sıpat alǵan búgingi án ónerine jańa tynys beredi. Sol arqyly ózindik áýezi men ustanymy bar avtorlardyń qalyptasýyna sebep bolmaq. Biz «JańǵyryQ» jobasy arqyly jańa mýzykalyq baǵyttardyń, mádenı qaýymdastyqtardyń týýyna yqpal etemiz dep senemiz», – dedi joba prodıýseri Maqpal Jumabaı.
Jobany ázirleýge Moldanazar toby, Marhaba Sábı, Satzhan project, Maqpalsher, Darkhan Juzz, Jeltoksan, DAMU, Qonyratbay Fam, Qudyr, ARShAT, ámir syndy bas-aıaǵy on eki oryndaýshy atsalysqan. Sıntı-pop, fank janrynda án salyp júrgen Ǵalymjan Moldanazar alǵash ret qolǵa alynyp otyrǵan jobanyń jańasha serpilis ákeletinin aıtady.
– Osyndaı jandy daýystaǵy mýzykany halyqqa betperdesiz jetkizip jatqany úshin uıymdastyrýshylarǵa alǵys aıtamyn. Bul – biz úshin úlken tájirıbe. Ár kezeńniń tolqyndary men jelisi bolady. Ol árdaıym bolǵan, bolady da. Eń mańyzdysy, bizdiń ony qalaı jetkizetinimizde. Osyndaı jobalar jalǵasatyn bolsa, mýzykamyz úshin keremet serpilis bolmaq, – degen pikirde ánshi.
Jobanyń ıdeıa avtory «Qazaqstan» RTRK» AQ Basqarma tóraǵasy Erlan Qarın, prodıýseri Maqpal Jumabaı, qoıýshy rejısseri Toǵjan Qurmanjanqyzy, dybys rejısseri Oralhan Sádýaqas. «JańǵyryQ» jobasy 6 sáýir kúni, 11:40-ta «Qazaqstan» ulttyq arnasynan kórsetiledi.
