Jıyn barysynda Tabıǵı resýrtar jáne tabıǵatty paıdalaný retteý basqarmasynyń basshysy Nurjan Aqqul baıandama jasap,jyl saıyn tal-terekter otyrǵyzylǵanmen ony kútip-baptaý umytylyp ketetinin atap ótti. Sondyqtan aýdan ákimderine kóshetterdi arnaıy kútip-baptaý úshin qarajat bólý kerektigi usynyldy.
Jyl saıyn dástúrli túrde júretin kógaldandyrý, tazalyq jumysy bıyl da óz jalǵasyn tabady. О́tken jyldyń kúzinde Aqtóbe aımaǵynda 56 myńnan astam túp kóshet otyrǵyzylsa, aǵymdaǵy jyly oblys aýmaǵyna aǵash jáne buta kóshetteri túrleriniń 68511túbin otyrǵyzylý josparlanyp otyr. Sondaı-aq, alqaly jıynda kóktemgi tazalyq jumystary kezinde retsiz qaldyqtardan arylý jumystaryn kúsheıtý máselesi de qaraldy. Aqtóbedegi Astana jáne Almaty aýdandarynda retsiz qaldyqtar jınalǵan 375 oryn bar. Aýdandarda da osyndaı kemshilikter kezdesedi.
Oblys ákimi Ońdasyn Orazalın qala jáne aýdan ákimderine turǵyndar arasynda kúl-qoqysty shashpaý jaıly túsindirme jumystaryn jıi júrgizýdi, qoǵamdyq pikir qalyptastyrý boıynsha jumystar atqarýdy tapsyrdy. Sonymen qatar, zań aıasynda aıyppul salý arqyly da tyıý joldardyn qaraýdy usyndy. Sondaı-aq, oblys ákimi sanıtarlyq tazalyqqa qatysty áleýmettik jelilerde paıda bolǵan vıdeolardy júktegen turǵyndarǵa alǵysyn bildirdi. Sebebi, mundaı vıdeolar máseleniń tez sheshilýine kómektesedi.
Aımaq basshysy halyqty yntalandyrý maqsatyndaǵy «Úzdik aýla», «Úzdik kóshe» aksııalaryn uıymdastyrýdy tapsyrdy.
