Ol jaqyn arada oblys ortalyǵynda "Vostok-2" shaǵyn aýdanynda jańa emhana ashylatynyn habarlady. Emhanalyq qyzmet kórsetetin taǵy úsh nysan Qaraǵandy men Temirtaýda salynatyn bolady.
- Jezqazǵanda aýrýhana qalashyǵyn qalpyna keltirý jumystary aıaqtalady, onyń aýmaǵynda qazirgi zamanǵy medısınalyq jabdyqtarmen jabdyqtalǵan keńes berý-dıagnostıkalyq ortalyq qurylady. Shahtınskide aýrýhanalyq qalashyqty jóndeý jumystary jalǵasýda. Nátıjesinde emhananyń jalpy aýmaǵy 1 500 sharshy metrden asatyn bolady, - dedi Erjan Nurlybaev.
Maqajanov atyndaǵy kóp salaly aýrýhanada jańa keńes berý-dıagnostıkalyq ortalyq qurý qyzmet sanyn 20% - ǵa arttyrýǵa múmkindik beredi, dep atap ótti ol. Bul rette emdelýshiler men medısınalyq qyzmetkerlerge qolaıly jaǵdaı jasaýǵa ýáde berildi.
Aýyl turǵyndary da nazardan tys qalmaıdy, dedi basqarma basshysy. Jańa ODA (otbasylyq-dárigerlik ambýlatorııa) qurylysy boıynsha jumystar júrgizilýde.
Oblysta qyzmettik turǵyn úı bólý arqyly medısına mamandarynyń tapshylyǵy máselesi sheshilýde. Bıyl dárigerlerge jıhazben jáne turmystyq tehnıkamen jabdyqtalǵan 69 páter kiltterin Shahtınsk, Abaı, Qaraǵandy jáne Jezqazǵandaǵy medısınalyq qyzmetkerlege tapsyrý josparlanýda, dep málimdedi Erjan Nurlybaev.
