Aqtóbe shekara otrıadynyń «Jaısań-avto» bólimshesinde ortaq salmaǵy 6800 ártúrli kógónis ónimderin ruqsat qujattarynsyz Reseıge ótkizbek bolǵan 4 qazaqstandyq, 200 kg baldy jáne 350 tal raýshan gúlderin Reseıden Qazaqstanǵa ótkizbek bolǵan eki Reseı azamaty ustaldy. Zańsyz taýar aktilenip, Mártók aýdandyq Memlekettik kiris departamentine tapsyryldy.
Sonymen birge, Oral shekara otrıadynyń «Syrym-avto» bólimshesinde qujattary durys resimdelmegendikten Reseıden ákelinip jatqan jalpy salmaǵy 3670 kg tońazytylǵan teńiz ónimderi, «Tasqala-avto» bólimshesinde Reseıge qaraı 19000 kg temir synyqtary men makýlatýra, Pavlodar shekara otrıadynyń «Úrlitóbe-avto» bólimshesinde Reseıge qaraı jalpy salmaǵy 57 600 kg paıdalanylǵan temirjol dóńgelekteri Memlekettik shekaradan ótkizilmeı keri qaıtaryldy.
