Aımaqtar • 03 Sáýir, 2019

Pavlodar oblysynda kadrlyq is júrgizý tolyǵymen avtomattandyrylady

370 ret kórsetildi

Oblystyq ákimdikte Ekonomıkalyq yntymaqtastyq jáne damý uıymy úlgisi boıynsha kadrlyq is júrgizý isin avtomattandyrýdyń pılottyq jobasynyń tusaýkeseri ótti. Bul týraly pavlodar.gov.kz habarlady.

Búkil álemde «Ortaq qyzmet kórsetý ortalyǵy» degen atqa ıe avtomattandyrylǵan júıe qazirgi kezde elimizde Atyraý, Mańǵystaý jáne Shyǵys Qazaqstan oblysynda pılottyq rejımde júzege asyrylýda. Otyrys barysynda anyq bolǵandaı, bul jobaǵa Pavlodar oblysy da qosylǵaly tur. Osyǵan oraı, oblys ákimi apparatynyń basshysy Aǵybaı Ámırın málim etkendeı, 2019 jyldyń 1 shildesinen bastap óńirimizdegi kadrlyq is júrgizý tolyǵymen sıfrlyq formatqa kóshirilmek. 

  – Ákimshilik reformany ári qaraı júrgizý aıasynda kadrlyq is júrgizýdi avtomattandyrý boıynsha jumystar atqarylýda, – deıdi Aǵybaı Ámırın. – Búkil álemde «Ortaq qyzmet kórsetý ortalyǵy» degen atqa ıe avtomattandyrylǵan júıe qazirgi kezde elimizde Atyraý, Mańǵystaý jáne Shyǵys Qazaqstan oblysynda pılottyq rejımde júzege asyrylýda. Bizdiń usynysymyz boıynsha bul jobaǵa Pavlodar oblysy da qosyldy.

Aǵybaı Ámırınniń aıtýynsha, atalǵan kúnnen bastap qaǵaz júzinde bolǵan barlyq buıryqtar, ótinishter men qyzmettik jazbalardyń barlyǵy tek elektrondyq nusqada toltyrylady.  Osyǵan baılanysty «Memlekettik qyzmettiń personalyn basqarý ulttyq ortalyǵy» AQ bas dırektory Báný Nurǵazıeva bastaǵan jumys toby óńirimizge arnaıy kelip túsindirý jumystaryn júrgizýge kiristi.


Top múshesi Baýyrjan Dáýitov aqparat bergendeı, «Ortaq qyzmet kórsetý ortalyǵyn» engizý arqyly qarajatty únemdeýge jáne memlekettik qyzmetshilerdiń jalaqysyn ósirýge jol ashady. – Mundaı júıeni engizgen Nıderlandta 400 qyzmetker 12 mınıstrliktiń jumysyn júrgizedi, – deıdi Baýyrjan Dáýitov. – Qazaqstanda bolsa 97 988 memlekettik qyzmetshiniń ishinde 4500 kadrlyq qyzmetker bar. Ortasha eseppen bir kadrlyq qyzmetshi 22-30 adamǵa qyzmet kórsetedi. Jańa júıeni engizý arqyly bir maman 1000 adamǵa qyzmet kórsete alatyn bolady.



Sońǵy jańalyqtar

Elordada gazel avtokóligi janyp ketti

Elorda • Búgin, 12:18

Uqsas jańalyqtar