Zań jobasyn talqylaýǵa múddeli memlekettik organdardyń, bıznes-qoǵamdastyqtyń, azamattyq qoǵamdastyqtyń ókilderi, BAQ ókilderi jáne basqa da múddeli tulǵalar qatysty.
Tyńdaýlarǵa qatysýshylar usynylǵan ózgerister men zań jobasynyń negizgi erejelerin jáne olardy iske asyrý perspektıvalaryn talqylady.
Indýstrııalyq damý jáne ónerkásiptik qaýipsizdik komıteti tóraǵasynyń orynbasary Nyǵmetjan Maqajanovtyń aıtýynsha, zań jobasy ónerkásiptik qaýipsizdik salasyndaǵy zańnama normalaryn jetildirýge, bızneske jasalatyn ákimshilik qysymdy azaıtýǵa jáne ónerkásiptik qaýipsizdik salasyndaǵy memlekettik qadaǵalaýdy júzege asyrýdyń tıimdiligin arttyrýǵa baǵyttalǵan. Sondaı-aq, zań jobasy ónerkásiptik qaýipsizdik salasynda memlekettik qadaǵalaýdy júzege asyrý kezinde sybaılas jemqorlyq táýekelderin azaıtýdy kózdeıdi.
Budan bólek, ónerkásiptik qaýipsizdik salasyndaǵy jumystardy júrgizý quqyǵyna attestattalǵan uıymdardyń jáne avarııalyq-qutqarý jumystaryn júrgizý qyzmetterin usynatyn uıymdardyń qyzmetin retteý úshin zań jobasynda osy uıymdarǵa profılaktıkalyq qadaǵalaýdy júzege asyrý jáne ony júrgizý tártibin belgileý qarastyrylǵan.
Bul zań jobasyn qabyldaý qaýipti óndiristik obektilerdegi ónerkásiptik qaýipsizdikti qamtamasyz etý júıesiniń tıimdiligin arttyrýǵa múmkindik beredi.
Aıta ketetin bir jaıt, Zań jobasyn ázirleý barysynda "Azamattyq qorǵaý týraly" QR Zańyna ózgerister men tolyqtyrýlar engizý boıynsha 300-ge jýyq usynys kelip tústi.
Keńinen talqylaý úshin Zań jobasynyń mátini "Ashyq normatıvtik quqyqtyq aktiler" portalyna ornalastyrylǵan. Onda qalaǵan adam óz usynystary men eskertýlerin qaldyra alady. Barlyq usynystar kelesi joly zań jobasyn pysyqtaǵan kezde eskeriletin bolady.
Zań jobasymen myna siltemege kirý arqyly tanysa alasyzdar: http://miid.gov.kz/ru/pages/o-vnesenii-izmeneniy-i-dopolneniy-v-nekotorye-zakonodatelnye-akty-respubliki-kazahstan-po-33
