Elimizdiń barlyq óńirlerinde, qalalar men aýdan ortalyqtarynda polısııa departamentteriniń, ákimshilik polısııa, jergilikti jáne kóshi-qon qyzmeti basshylary azamattardy mobıldik qabyldaý júrgizedi.
Eldi mekenderde azamattardyń kóp jınalatyn oryndarynda arnaıy jabdyqtalǵan avtobýstar barady. Osy mobıldik qabyldaý kezinde turǵyndar polısııa qyzmetkerleriniń zańsyz is-áreketteri týraly shaǵymdana alady nemese polısııa tarapynan kórsetiletin memlekettik qyzmetter týraly bile alady jáne ishki ister organdarynyń sıfrlyq múmkindikterin paıdalana alady.
Respýblıka boıynsha barlyǵy 250 mobıldik qabyldaý pýnktteri jumys isteıtin bolady. Turǵyndarǵa qolaıly bolý úshin bul arnaıy avtobýstarda tirkeý-emtıhan bólinisteri, jol-tehnıkalyq baqylaý jáne ákimshilik praktıka basshylary da jumys isteıtin bolady. «Jolda qabyldaý» aksııasynnyń ótkiziletin orny jáne árbir qala men aýdandaǵy mobıldik pýnktterdiń ornalasýyn IIM-niń portalyna http://mvd.gov.kz/portal/page/portal/mvd/MVD/Reception_on_the_road siltemesi arqyly, sondaı-aq polısııa departamentteriniń kishi portalynda jáne ishki ister organdarynyń áleýmettik jelilerdegi paraqshalarynan bilýge bolady.
