Jalǵan “shopandar”, jasyrylǵan taýarlar
Sársenbi, 22 aqpan 2012 7:54
Qazir shekarany shyndamaı jaıbaraqattyqqa salynatyn zaman emes. “Qazannyń qaqpaǵy ashyq bolsa, ıtten uıat ketedi” degendeı, derbes, táýelsiz memleketterdiń shekarasynan syna taýyp, zańsyz kontrabandalyq taýar ótkizýshiler kóbeıip tur.
Al bir qýanarlyǵy, Qazaqstan shekarashylary zamanaýı qondyrǵylarmen jabdyqtalǵandyqtan da, beıne baqylaý arqyly shekara mańynda jorǵalaǵan tyshqanǵa deıin kórip otyrady. Biraq, “Et táttiligin qoısa, men urlyǵymdy qoıar edim” degendeı, buryn kontrabandamen paıda taýyp júrgender úırenshikti ádetterin qoıar emes.
Sársenbi, 22 aqpan 2012 7:54
Qazir shekarany shyndamaı jaıbaraqattyqqa salynatyn zaman emes. “Qazannyń qaqpaǵy ashyq bolsa, ıtten uıat ketedi” degendeı, derbes, táýelsiz memleketterdiń shekarasynan syna taýyp, zańsyz kontrabandalyq taýar ótkizýshiler kóbeıip tur.
Al bir qýanarlyǵy, Qazaqstan shekarashylary zamanaýı qondyrǵylarmen jabdyqtalǵandyqtan da, beıne baqylaý arqyly shekara mańynda jorǵalaǵan tyshqanǵa deıin kórip otyrady. Biraq, “Et táttiligin qoısa, men urlyǵymdy qoıar edim” degendeı, buryn kontrabandamen paıda taýyp júrgender úırenshikti ádetterin qoıar emes.
Jaqynda UQK shekara qyzmeti “Ońtústik” óńirlik basqarmasyna qarasty Jetisaı shekara jasaǵy iri kontrabandalyq taýarlardy memlekettik shekaradan ótkizý deregin anyqtap, qylmyskerlerdiń adymyn ashtyrmady.
“Orynbaı” shekara zastavasynyń jasaǵy shekaradan alty shaqyrym alqapty súzý barysynda ózbekstandyq 10 azamat pen qazaqstandyq 8 azamatty qylmys barysynda qolǵa túsirdi.
Shekara mańyna kıiz úı tigip, oǵan kontrabandalyq taýar jasyrǵan qylmystyq top KamAZ, Zıl jáne Ýral júk máshınelerimen О́zbekstan shekarasyna ótpek bolǵan. Kontrabandalyq azyq-túlikterdiń jalpy salmaǵy 27 tonna tartady. Sol mańnan, bul aıtylǵandardan bólek, 2420 qoraptarǵa salynǵan azyq-túlik pen halyq tutynatyn taýarlar tárkilengen.
Bul taýarlardyń jalpy salmaǵy 19 tonna qurady. Odan bólek 2620 bótelke araq jasyrylǵan qoıma tabyldy. Shekara jasaqtary “Naıman Buharbaı” zastavasynyń teliminde kúdikti azamatty qolǵa túsirdi. Ol sol mańdaǵy qurylys qoımasynda 1,5 lıtrlik ydystarmen 270 qapqa jasyrylǵan 10 tonna spırtti tyǵyp júrgenge uqsaıdy.
Sodan soń shekara aımaǵynan bir shaqyrym qashyqtyqta taǵy bir azamat ustalǵan. Eshqandaı qujat kórsete almaǵan álgi azamat osy mańda mal baǵatyn qoıshymyn deıdi. “Qoıshy” ıelik etip júrgen qystaýdy teksergende 600 qorapqa salynǵan kondıterlik ónimder men 5 tonna tústi metall anyqtalǵan.
Al “Bımyrza” shekara zastavasynyń teliminde taǵy bir qujatsyz júrgen azamat ustalǵan. О́ziniń aıtýynsha, bul da “shopan” eken.
Biraq, ol mal emes qoraptarǵa salynǵan taýarlardy baǵyp júr. Qystaýdy tintý barysynda 200 qorapqa salynǵan kondıterlik ónimder tabyldy.
Búginde osy derekter boıynsha kontrabandalyq qylmysqa qatysy bar basqa da azamattardyń isi naqtylanýda. О́ıtkeni, úlken kólemdegi taýarlardy jalǵyz-jarym adamdardyń shekaradan ótkizýge talaptanýy múmkin emes. Kontrabandalyq júkterdiń baǵasy shyǵarylǵannan keıin osy iske qatysy bar azamattarǵa qylmystyq is qozǵalmaq.
Budan bólek, UQK Shekara qyzmeti «Ońtústik» О́ńirlik basqarmasy «Leńgir» jeke shekara komendatýrasyna qarasty «Turbat» shekara zastavasynyń shekara jasaǵy О́zbekstan Respýblıkasynan Qazaqstanǵa qaraı bireýdiń ótkenin anyqtap, izine túsedi.
Izdestirý sharalary kezinde shekaradan zańsyz ótpek bolǵan О́zbekstan azamaty qolǵa tústi.
Shekara buzýshyny tekserý barysynda odan 12 500 ózbek somy jáne 1,5 lıtrlik bótelkede untaqtalǵan geroın tárkilendi. Onyń salmaǵy 9 kelige deıin tartady.
Qazirgi ýaqytta Ońtústik Qazaqstan oblysy, Tólebı aýdandyq prokýratýrasy О́zbekstan Respýblıkasynyń azamatyna qatysty Qazaqstan Respýblıkasy Qylmystyq Kodeksiniń 250-baby 4-shi bólimi boıynsha qylmystyq is qozǵady.
Baqtııar TAIJAN,
Ońtústik Qazaqstan oblysy.
