Aımaqtar • 04 Sáýir, 2019

Túrkistan oblysynda sý tasqyny qaýpi joq

670 ret kórsetildi

Túrkistan oblysynda sý tasqynynan keletin qaýip joq. О́ńirdegi sel júrýi múmkin aımaqtardyń barlyǵy turaqty baqylaýǵa alynǵan. Bul týraly О́ńirlik kommýnıkasııalar qyzmetinde ótken baspasóz jıynynda Túrkistan oblysy boıynsha Tótenshe jaǵdaılar departamentiniń basshysy Nurǵalı Júnisov málimdedi.

Onyń sózinshe, aımaqtaǵy sý qoımalar men ózenderdiń sý rejımine kúndelikti turaqty túrde monıtorıng júrgizilýde.

«Oblys aýmaǵynda tasqynǵa qarsy is-sharalar 2017 jyly Qazaqstan Respýblıkasy Úkimetiniń nusqaýymen bekitilgen óńirlerdegi «Sý tasqyny qaýpiniń aldyn alý jáne joıý jónindegi 2017-2020 jyldarǵa arnalǵan is-sharalar kesheni» Jol kartasy negizinde júzege asyrylýda. Tasqynǵa qarsy is-sharalar: Syrdarııa ózeninen bastaý alatyn kanaldardyń bas tospasy bekitildi. Oǵan 50 myń qap qum, 30 tonna JJM, 584 shatyr, 4622 kereýet, 36 myń adamǵa arnalǵan tósek-oryn daıyndaldy. Sondaı-aq, 5,2 jalpy uzyndyǵy shaqyrym bolatyn ózenderde jaǵa bekitý jáne arna túzeý, 14 shaqyrym qorǵanys dambasy turǵyzyldy. 24 shaqyrymnan astam kanaldar men 7,2 shaqyrym drenajdy júıeler mehanıkalyq tazartýdan ótkizildi. Syrdarııa ózeniniń jaǵalaýyndaǵy 20 eldi mekendegi qulaqtandyrý júıesine 120 mln teńge bólinip, jańartyldy.», – dedi departament basshysy.

Jalpy oblys boıynsha sý qoımalarynyń ortasha tolýy 55-60%-dy quraıdy. Tasqyn sýlardy qabyldaýǵa jetkilikti qorlary bar, al ózenderdegi sýdyń ótýi orta deńgeıden tómen.

Oblys aýmaǵynda sý tasqyny jaǵdaıy Syrdarııa basseıindik ózenimen tikeleı baılanysty bolǵandyqtan qatań baqylaýǵa alynǵan. Búgingi tańda ózenniń arnasynda sýdyń aǵysy qalypty, jaǵalaýdaǵy eldi mekenderge qaýip joq. Al, taýdaǵy jınalǵan qar qory normadan tómen, aýmaqtyń jazyq jerlerinde qar joq.

Aıta keteıik, 2017 jyly josparlanǵan 42 is-shara tolyq aıaqtalǵan. Byltyr josparlanǵan 40 is-sharanyń 31-i tolyq aıaqtalyp, 9-y 2019 jyldyń jarty jyldyǵyna oryndalatyn bolady. Al, 2019 jyly ótkiziletin 16 is-sharaǵa oblystyq bıýdjetinen 990 mln teńge qaralǵan.

Sońǵy jańalyqtar

«Omıkron» jedel taralýda

Álem • Búgin, 08:23

Mamandyqtarǵa da mán bergen jón

Bilim • Búgin, 08:20

Uqsas jańalyqtar