Jıynǵa «Egemen Qazaqstan» gazetiniń Basqarma tóraǵasy Darhan Qydyráli, sholýshy Suńǵat Álipbaı, basylymnyń Mádenıet jáne rýhanııat bóliminiń meńgerýshisi Talǵat Batyrhan, Eýrazııa Ulttyq ýnıversıtetiniń Saıasattaný jáne jýrnalıstıka fakýlteti dekany Qaırat Saq, bilim ordasynyń ustazdary, stýdentter qatysty.
Is-sharany ashqan Saıasattaný jáne jýrnalıstıka fakýlteti dekany Q.Saq «Egemen Qazaqstan» basylymyn mereıtoıymen quttyqtap, elimizdiń bas basylymynyń el baspasózi tarıhynda alatyn orny erekshe ekenin atap ótti.
Al óz sózinde D.Qydyráli bilim ordasyna osyndaı ıgi shara ótkizgeni úshin alǵysyn aıtyp, elimizdegi buqaralyq aqparat salasyndaǵy ózekti máselelerge toqtaldy. Sondaı-aq «Egemen Qazaqstan» gazeti basyp shyǵarǵan birneshe kitapty syıǵa tartty.
Jıyn barysynda S.Álipbaı, T.Batyrhan sekildi aqparat qazanynda qaınaǵan belgili jýrnalıster óz tájirıbesimen bólisip, jýrnalıske qajetti erekshelikterdi atap ótti.
Is-sharaǵa qatysqan stýdentter qaýymy kókeıinde júrgen saýaldaryn qoıyp, oǵan tushymdy jaýaptar aldy.
