Atap aıtqanda, «Qyran dalasy» jobasy sheńberinde ótken ǵasyrdyń úzdik kınotýyndylaryn kórsetý josparlanyp otyr. Bul beınetaspalardy ınternette tabý múmkin emes. Aldaǵy ýaqytta qorda materıaldar elektrondy tasymaldaý quraldaryna kóshirilip, sıfrlandyrylǵannan keıin ınternet pen televızııa arqyly jurtshylyq napzaryna usynylatyn bolady. Olardyń arasynda keńes zamanynyń kınohronıkalary, kórkemfılmder men derekti fılmder toptastyrylǵan.
«Qyran dalasy» jobasy «Rýhanı jańǵyrý» jáne «Uly dalanyń jeti qyry»baǵdarlamalary aıasynda júzege asyrylady. Búginde qorda 4 myńnan astam kınotaspa saqtaýly tur, onyń 600-i–qazaqstandyq ónim», deıdi tarıhı-mádenı qundylyqtardy saqtaý ortalyǵynyń bólim meńgerýshisi Ásemgúl Málibaeva.
Ortalyqtyń dırektory Rahat Mámbetalınovtyń aıtýynsha, 18 sáýirde atap ótiletin halyqaralyq eskertkishter men tarıhı oryndar kúnine oraı birqatar sharalar atqarý belgilengen. Onyń ishinde óńirdiń tarıhı jerleri men eskertkishterin qalpyna keltirý máselesi basty nazarda. Bıyl tarıhı eskertkishter qataryna engen eki ǵımarat jóndeýden ótedi. Olar– elektrstansııanyń ǵımaraty jáne Petropavl kolızeıi. Ǵylymı restavrasııalyq jumystardy ótkizýge qarajat qarastyrylǵan.
О́ńirdegi 1144 mádenı eskertkishtiń 599-y memlekettiń qorǵaýyna alynǵan.
