«Eldiń 11 óńirinde 2016 – 2017 jyldardaǵy dárilik preparattar men medısınalyq buıymdardyń qaldyqtarynyń jalpy somasy 4,3 mldr. teńge. Bul rette DQAJ-de óńirler boıynsha qaldyqtar joq, barlyq dári-dármekter naýqastarmen shyǵarylǵan. Bas prokýratýranyń tekserý qorytyndysy boıynsha óńirlerde búgingi kúni 20-dan astam qylmystyq is qozǵaldy», - dedi Densaýlyq saqtaý mınıstrligi Farmasııa komıetiniń tóraǵasy Lıýdmıla Bıýrabekova.
Lıýdmıla Bıýrabekova sondaı-aq, Densaýlyq saqtaý mınıstrligi Eljan Birtanovtyń tapsyrmasymen, 2018 jylǵy Qazaqstan Respýblıkasy Densaýlyq saqtaý mınıstrligi alqa otyrysynyń derekteri boıynsha, 2018 jyly Qazaqstannyń 70 medısınalyq mekemesinde psıhıatrııalyq, ongkologııalyq aýrýlarmen, AITV/JITS jáne týberkýlezben aýrytayn naýqastarǵa dárilik zattardy utymdy paıdalanýdy jáne naýqastardyń dárilik zattarmen qamtamasyz etilýin taldaý monıtorıngi júrgizildi.
Ol monıtorıng nátıjeleri boıynsha qajettiliktiń durys emes (artyq) qalyptasýy, naýqastardyń dárilik zattarmen tolyq kólemde jáne turaqty emes qamtamasyz etilýi, dárilik zattardy tıimsiz paıdalaný jáne naýqastardy tutyný normasynan tys preparattarmen qamtamasyz etý, berilgen reseptiler týraly jazbalardyń bolmaýy, medısınalyq uıymdardyń dárilik formýlıaryna dáleldengen klınıkalyq tıimdiligi joq preparattardy engizý, bekitilgen shekti baǵadan asatyn baǵa boıynsha dárilik preparattardy óz betinshe satyp alý faktilerin anyqtaǵanyn, tegin dári-dármekpen qamtamasyz etýge jatatyn dıspanserlik naýqastardyń tirkeliminde bolmaýy, jazylǵan resepterdiń aqparattyq júıede jáne naýqastyń ambýlatorııalyq kartasynda dárilik zattardyń sany boıynsha sáıkes kelmeýin aıtty. Monıtorıngtiń barlyq materıaldary sharalar qabyldaý úshin QR Bas prokýratýrasyna berildi.
«Sonymen qatar, ár aımaqtan QR DSM Farmasııa komıtetiniń aýmaqtyq departamentteri ókilderiniń qatysýymen óńirlerde toǵyspaly tekserýler túrinde monıtorıngtiń ekinshi kezeńi bastaldy. Monıtorıngtiń aıaqtalý merzimi 29 sáýir», - dedi Lıýdmıla Bıýrabekova.
Budan basqa, naýqastardyń tegin ambýlatorııalyq qamtamasyz etilýi úshin dárilerdi tıimdi josparlaý máselesin sheshý úshin Mınıstrlik ótinimdi qalyptastyrý kezinde elektrondyq formatqa kóshý týraly sheshim qabyldady.
