INDÝSTRIIа JÁNE SAÝDA MINISTRINIŃ INTERNET-KONFERENSIIаSY

2010 jyldyń 10 naýryzynda saǵat 15.00-de Bnews.kz portalynda Indýstrııa jáne saýda mınıstri Áset Isekeshevtiń qatysýymen “Qazaqstannyń jańa ındýstrııalyq saıasaty” taqyrybynda onlaın-konferensııa ótedi. Suraqtar www.bnew.kz portaly nemese info@bnews.kz elektrondy adresi boıynsha qabyldanady. Saýaldaryńyzdy qazirden bastap qoıa berińizder. BASQARÝShY ORTALYQTYŃ ALǴAShQY SAPARY Baqbergen AMALBEK. Elbasy Nursultan Nazarbaevtyń Qazaqstan halqyna arnaǵan bıylǵy Joldaýynda alǵa qoıylǵan mindet­­terdi júzege asyrý maqsatynda res­pýblıkalyq basqarýshy ortalyq qu­rylǵany belgili. Premer-Mı­­nıstrdiń birinshi orynbasary О́.Shó­keev jetekshilik etetin bul qurylym eli­mizdiń ındýstrııalyq-ınnovasııalyq jedel damý baǵdarlamasyn úıles­ti­retin bolady. Keshe birinshi Vıse-premer О́mirzaq Shókeev bastaǵan jedel top atalǵan baǵdarlamalardyń oryndalý barysymen tanysý maqsatynda Aq­­mola oblysynda boldy. Astanalyq óńirdiń­ ınvestısııalyq tartymdy­lyǵy aıryqsha ekendigi talas tý­dyr­maıdy. Másele – múmkindikti tıimdi paıdalana bilýde. Quramyna Úkimet múshelerin, damý ınstı­týt­tarynyń ókilderin biriktiretin Basqarýshy organnyń jumys sapary atalǵan óńirden bastalýy kezdeı­soq­tyq emes. Munda agrokeshen jáne ónerkásiptik salada, zamanalyq qaıta óńdeý ındýstrııasy men týrıs­tik klasterdi qalyptastyrýda ekonomıkalyq órleý ortalyqtary boı kórsete bastady. Elbasy Joldaýynda zaman tala­byndaǵy qarymdy qadamdardy qýattandyra túsý tapsyrmasy qoı­yldy. Oblys ákimi Albert Raýdyń baıandaýynsha, bıyl aqmolalyqtar 1 shildege deıin 76 mıllıard teńgeniń bes ınvestısııalyq jobasyn, al jyldyń ekinshi jartysynda 5 mıl­lıard teńgeni quraıtyn úsh jobany júzege asyratyn bolady. Jedel top jetekshisi О́.Shókeev, osy oraıda, “О́rken”, “Baýmanskaıa-07”, “Ostro­gorskıı”, “Aıs Fýd Astana”, “Astana Agroprodýkt” JShS basshylarynyń jeke esepterin tyńdady. Delegasııa músheleri Qazaqstan respýblıkasyn ındýstrııalandyrý kartasyna engen “Stepnogor pod­shıpnık zaýyty” aksıonerlik qoǵa­mynda, “Qazatomónerkásip” birlesken ká­sipornynda, “Jylyjaı tehno­lo­gııasy” jaýapkershiligi shekteýli se­riktestiginde, Eńbekshilder aý­da­nyndaǵy “Qazger-Qus” AQ, sondaı-aq qurylysy júrip jatqan “Kók­she-sement” kásipornynda boldy. Úkimet basshysynyń birinshi or­yn­basary О́.Shókeev oblys ákim­diginde turǵyn úı-kommýnaldyq sharýa­shy­lyqty nyǵaıtý, taýarlar men qyz­met­terdi usynýdaǵy qa­zaq­standyq úlesti ulǵaıtý sııaqty ma­ńyz­dy máselelerdi qarastyrǵan má­jilis ótkizdi. Munda eldiń ındýs­trııalyq-ınnovasııalyq damýynyń bes jyldyq baǵdarlamasyn tabys­ty oryndaý jolynda báseke­les­tikke qabiletti jáne joǵary tehno­logııaly bıznes-bastamashyldyqqa óris ashylyp, kómek-qoldaý kórse­tiletini atap ótildi. Aqmola oblysy. KELISIMGE QOL QOIYLDY Jaqynda Tokıo qala­synda Qazaqstannyń Ja­ponııadaǵy elshisi Aqylbek Kamaldınov pen Japonııa Syrtqy ister mınıstri Kasýıa Okada Qazaqstan Úki­meti men Japonııa Úki­meti arasyndaǵy Atom en­er­gııasyn beıbit maqsatta paı­dalaný salasyndaǵy yn­tymaqtastyq týraly keli­simge qol qoıdy. Atalmysh kelisimge Qa­zaqstan Prezıdenti N.Á.Na­zarbaevtyń 2008 jyly Japonııaǵa jasaǵan resmı sapary men 2006 jyly Japonııa Premer-mınıstri D.Koıdzýmıdiń Qazaqstanǵa jasaǵan sapary bary­syn­daǵy joǵary deńgeıdegi ýaǵdalastyqtar nátıjesinde qol jetkizilgen bolatyn. Kelisim eki el arasyn­daǵy atom energııasy sa­la­syndaǵy yntymaqtastyqty damytýǵa baǵyttalǵan ne­gizgi qujat bolyp tabylady jáne Qazaqstan men Ja­ponııa arasyndaǵy strate­gııalyq áriptestikti odan ári nyǵaıtýǵa qyzmet etetin bolady, dep habarlady QR SIM-iniń baspasóz qyzmeti. DENE TÁRBIESINE DEN QOIMAÝ – QATELIK Aleksandr TASBOLATOV. Bas prokýratýranyń málimetine qaraǵanda, elimizdiń mektepterinde oqýshylardyń dene shynyqtyrý tárbıesin alýy talapqa saı emes. Bul mindetti sapaly oryndaý úshin dene shynyqtyrý jáne sport salasynda birizdi memlekettik saıasat júzege asyrylýy qajet. О́ıtkeni, Memleket basshysy ústimizdegi jylǵy Joldaýynda halyq densaýlyǵy – ol Qazaq­stannyń óziniń strategııalyq maqsattaryna jetýdegi tabysynyń ajyramas quramdas bóligi dep ataı kele, buqaralyq dene shynyqtyrý-sporttyq qozǵalysyn damytý adam jasyn uzartýda óte mańyzdy maqsat ekendigin qadap aıtty. Alaıda, Bas prokýratýra tarapynan balalardyń mektep qabyrǵasynda dene shynyqtyrý tárbıesin alý quqyqtarynyń saqtalýy jaǵdaıyna taldaý júrgizilgende kóptegen keleńsiz jáıtter anyqtaldy. Taldaý dene shynyqtyrýdy ótkizýdiń 3 saǵattyq aptalyq mólsheri barlyq jerlerde oryndalmaıtyndyǵyn, múmkindigi shektelgen balalardyń arnaıy medısınalyq toptarda sportpen shuǵyldanýǵa quqyqtary saqtal­maı­tyndyǵyn, sporttyq zaldardyń kópshiliginiń qoıylatyn talaptarǵa sáıkes kelmeıtindigin, al keıbir mektepterde olardyń múldem joqtyǵyn, sporttyq jabdyqtardyń jetispeýshiligin, sondaı-aq birqatar mektepterde kásibı peda­go­gıkalyq bilimi joq adamdardyń dene shy­nyqtyrý sabaqtaryn ótkizýge tarty­latyndyǵyn kórsetti, deıdi Bas prokýratýranyń resmı ókili Nurdáýlet Súıindikov. Máselen, Jambyl oblysynyń Talas aýdanynda 29 mekteptiń 16-synda sport zaldar múldem joq. Bul másele tek aýyldyq jerlerde ǵana emes, Qyzylorda qalasynyń 4 mektebiniń sport zaldary apatty jaǵdaıda tur, 6-ýynda sport zaldyń bolýy tipti mektep qurylysynyń jobasynda da kózdelmegen. Sol sııaqty elimizdiń kóptegen mektepterinde basseınderdiń jáne shańǵy bazalarynyń áli kúnge joqtyǵy janǵa batady. Mundaı jaǵdaıda elimizdiń bolashaǵy jastardyń densaýlyǵyn qaıtip jaqsartýǵa, shynyqtyrýǵa bolady? Buǵan tıisti oryndar ne deıdi eken? Tipti, birqatar mektepterde qoldanylatyn sporttyq quraldar ondaǵan jyl buryn aly­nyp, tozǵan jáne ári qaraı paıdalanýǵa jat­paıdy. Máselen, Qaraǵandy oblysy Qarajal qalasynyń №6 mektebinde tek dop pen shańǵy ǵana bar, olardyń ózi isten shyqqan. Al kámeletke tolmaǵandardy dene shy­nyq­tyrýǵa tárbıeleýdegi keń taraǵan kemshiliktiń biri júıke jáne dene ósip-jetilýindegi ártúrli aýytqýlary bar balalarmen jumystyń tıisti deńgeıde uıymdastyrylmaýy bolyp tabylady. Olar tek sabaqtan ǵana bosatylady, biraq aǵzaǵa jaǵymdy áser etetin dene shynyq­ty­rý­men aınalysýdyń mańyzdylyǵy eskerilmeıdi. Al zańnamaǵa saı olarǵa arnalǵan arnaıy emdik dene shynyqtyrý toptary uıymdastyrylýy tıis edi. Ol shara qolǵa alynar emes. SARDARLARDYŃ  KО́KTEMGE ShAShÝY Araı ÚIRENIShBEKQYZY. 8 naýryz halyqaralyq áıelder kúnine jáne 16 naýryzda bolatyn Respýblıkalyq ulannyń qurylǵanyna oraı elordadaǵy 0112-áskerı bólimde alǵash ret sardarlar bı keshi uıymdastyryldy. Respýblıkalyq ulanda jumys isteıtin názik jandar men áskerı qyzmetkerlerdiń zaıyp­taryna arnalǵan bul bı keshine L.N.Gýmılev atyndaǵy Eýrazııa ulttyq ýnıversıtetiniń rektory Baqytjan Ábdiraıym bastaǵan oqytýshylar men stýdentter de qatysty. Saltanatty merekelik kesh barysynda Respýblıkalyq ulan qolbasshysy, general-leıtenant Abaı Tasbolatov sóz sóılep, ofıserlerdiń zaıyptary men jınalǵan qyz-kelinshekterdi kóktemniń alǵashqy merekesi bolyp tabylatyn 8 naýryz – Áıelder merekesi kúnimen quttyqtady. Bı keshine qatysqan oqytýshylar men stýdentter, sonymen qatar 0112-áskerı bólimniń turmys-tirshiligimen tanysyp qaıtty. Áıelder qaýymyna arnalǵan bul kesh olarǵa kóterińki kóńil-kúı syılaǵanyn osy sharaǵa qatysýshy qyz-kelinshekterdiń júzindegi kóktemniń shýaǵyndaı shattyq kúlkilerinen baıqalady. Qoǵamda áskerı qyzmettiń bedelin arttyrý maqsatynda bolashaqta osyndaı mádenı keshter óz jalǵasyn tappaq. OBLYSQA  ELShILER KELDI Farıda BYQAI. Quramynda Norber Jýsten, Renee Jýsten-Iаnssen jáne elimizdegi Ispanııa Koroldiginiń  elshisi Alberto Anton Kortes, Polsha Res­pýb­lıkasynyń  elshisi Pavel Cheplak bar Eýro­odaqtyń Qazaqstandaǵy ókildiginiń delegasııasy oblys ortalyǵynda bolyp, birqatar kezdesýler ótkizdi. Oblysqa kelýdegi negizgi maqsattary – EQYU sekildi bedeldi Uıymǵa bıylǵy jyly tóraǵalyq etip otyrǵan elimizdiń ózge eldermen halyqaralyq qatynastardaǵy ózara áriptestik jáne yntymaqtastyǵy osy jerde qyzmet atqaryp júrgen elshilikter arqyly da damyp, berik negiz qalaıtyndaryn jetkizý boldy. Bizdiń elimizdiń azamattyq qoǵamdy damytý, úkimettik emes uıymdardy qoldaý baǵytyndaǵy jumystary men kóptegen etnos ókilderiniń tatýlyqta ómir súrip jatqan tirlikterine basqa elder qyzyǵýshylyq tanytýda. Mysaly, bul kúnderi elshiler saparlap kelgen bizdiń oblysta 400-den astam úkimettik emes uıym, 131 buqaralyq aqparat quraly, 10  saıası partııa ókildikteri, 18 dinı konfessııalyq birlestik bar. О́ndiristi oblys bolǵandyqtan, máshıne jasaý salasy boıynsha Germanııa, Italııa, Polsha, Fransııa sııaqty eldermen ekono­mıkalyq áriptestik berik ornyǵyp keledi. Mártebeli qonaqtar oblys ortalyǵyndaǵy joǵary oqý oryndaryndaǵy, “Desenta” qoǵamdyq birlestigindegi kezdesýlerge qatysyp, “RýbıKom” saýda úıin aralap kórdi. Pavlodar oblysy.