Ol kezdesýde 4 jyldan beri velosaıaxat jasap júrgenin aıtty. Buǵan deıin 39 elde bolǵan, Oman qyrqynshy! Omanǵa Dýbaıdan eki aıaqty kóligimen kelgen. Jezqazǵannyń týmasy, Mekkede qajylyqta bolǵan.
Talǵat buǵan deıin Saýd Arabııasy jáne Birikken Arab Ámirlikterin velosıpedpen aralap ótken. 50 jastaǵy Talǵat Jumabekovtyń álemdi aralaýdaǵy tórtinshi sapary. Osyǵan deıin saıahatshy Ispanııa men Egıpettiń birneshe qalasyna eki dóńgelekti kóligimen baryp qaıtqan. Týǵan jerden bastalǵan saparynda Túrkistanda aıaldap, Túrkimenstandy basyp ótip, Iranǵa, ári qaraı Arab Ámirligine jetipti.
«Jalpy jolǵa bir aı ýaqyt ketedi. Bizdiń ata-babalarymyz qajylyqqa bir kezderi jaıaý nemese túıemen, atpen jyldar júrip jetken. Al men osy saparymda qysqametrajdy fılm túsirsem be dep josparlap qoıdym. Múmkin atalarymyz júrip ótken joldan qyzyqty bir jaıttar kezdesip qalar. Al maǵan aýa raıy saparyma kedergi keltire almaıdy. Al eger kún raıy buzylyp jatsa, árıne qıyndyq alyp keleri sózsiz», -deıdi ol.
ALMATY
