«Zhas Project» jobasy kóptegen kásip kózin ashty

Atalǵan jobaǵa 2017 jyly 2000 jas qatysyp, 589 áleý­met­tik joba irikteýden ótken. Byltyr qa­tysý­shylar­dyń sany 3508-ke jetip, 1027 áleýmettik joba aq­sha­­laı grant utyp alǵan. Bıyl qa­­tysý­­shylardyń sanyn 3 myń­ǵa, áleýmettik jobanyń sanyn 1100-ge jetkizýdi kózdegen uıym­­­­das­­­­tyrýshylar 15 naýryz ben 15 sáýir aralyǵynda zhasproject.kz saıty arqyly ótinim qa­byl­­daı­tyndaryn habarlady.

«Jastar korpýsyn damytý jobasy 2017 jyly Qaraǵan­dy, Almaty, Túrkistan jáne Pavlo­dar oblystarynan bastalǵan edi. О́tken jyly joba Qostanaı, Aqtóbe, Qyzylorda, Jambyl, Shyǵys Qazaqstan, Soltústik Qazaqstan oblystarynda júze­ge asy­ryldy. Bıyl Aqmola, Aty­raý, Mańǵystaý, Batys Qazaq­stan oblystaryn jáne Nur-Sul­tan men Almaty qalalaryn qam­­tı­­tyn bolamyz. Maqsatymyz – jas­­tardyń qoǵamdaǵy ornyn tabýy­­na kómektesý, belsen­dili­gin arttyrý, olardy paıdaly qyz­­metterge tartý arqyly ju­mys­­syz jastardyń sanyn azaı­­tý. Granttyq baǵdarlamaǵa 14 pen 29 jas aralyǵyndaǵy jas­­tar qatysa alady. Basym­dyq ju­­mys istemeıtin, oqý oqy­maı­­tyn jáne jumys isteıtin ta­by­­sy tómen adamdarǵa beri­le­di. Bir áleýmettik jobany 3-5 adam birigip daıyndaýyna bola­dy. Úsh kezeńnen turatyn irik­­teý­den súrinbeı ótken­der 1 mıl­­lıon teńgege ıe bolady da, alty aı boıy óz jobala­ryn jú­ze­ge asyrady. Osy ýa­qyt ishin­de joǵary oqý ornyn bi­tir­­gen ár qatysýshyǵa aı saıyn 60 myń, basqalaryna 40 myń­nan shákirtaqy tólenedi. Je­ńim­pazdar 1 mıllıon teńgege kerek­ti qural-jabdyqtar satyp ala­­dy da, óz jobasy boıynsha halyq­qa jarty jyl tegin qyz­met kór­setedi. Alty aıdan keıin qatysý­shylar qural-jab­dyq­tardy tegin óz ıeligine alyp, kásibin jal­ǵas­tyra bere­di», deıdi Bilim jáne ǵylym mı­nıstr­liginiń jaýapty hatshysy Aryn О́rsarıev.

Jastar korpýsyn damytý jobasy basqarý tobynyń jetek­shisi Gúlmıra Eskendirova joba aıasynda qarjylyq qoldaýdan bólek, «Mentorlyq qoldaý» atty jastardy oqytý baǵdarlamasy da bar ekenin aıtady. «Mentorlar alty aı boıy jastarǵa joba­laryn qalaı júzege asyrý, qu­jat ju­mys­taryn qalaı júr­gizý kerek­tigin úıretedi. Iаǵnı, qaty­sýshy­lar jobalardy basqarý boıyn­sha trenıngterden ótedi. Kon­kýrs talaby boıynsha óti­nim­der jer­gilikti halyqqa kóme­gin tıgi­ze­tin áleýmettik joba bolýy shart. Bizde tigin she­ber­­ha­­nasyn, til kýrs­taryn, sport zaldary men jyly­jaılar ash­qan, mal sharýa­shy­lyǵymen aı­na­lys­qan jas­tar áli kúnge kási­bin taby­sty jal­ǵastyryp otyr. Qatysý­shy­lar­dyń arasynda mer­tigip, uzaq jyl tósek tartyp jatqan Nur­bolat Qarabasov esim­di azamat­tyń múmkindigi shek­teýli jan­dar­ǵa arnalǵan jobasy boldy. Aq­tóbe­lik bir azamat (atyn aıta al­maı­myn) isti bol­ǵany úshin esh jerge jumysqa ornalasa almaǵan. Byltyr jobaǵa qatys­qan ol búginde aıaq kıim óndi­retin seh ashyp, basqalardy da jumys­pen qamtyp otyr», deıdi G.Eskendirova

9 jyl tósekke tańylǵan Nur­bolat Qarabasov múmkindigi shek­teýli Almas Muhajanov, Aınur Ámiralınova esimdi dos­tarymen birge «Zhas Project»-ke 2017 jyly qatysady. Búginde ju­ba­ıy­­­men birge kásibin júrgi­zip otyr­­ǵan ol aılyq tabysyn 300 myń teńgege deıin jetkizgen. «Jo­­­­baǵa ózimniń kópten qolym jet­­­­peı júrgen, shetelde qol­da­nys­ta bar qolarbaǵa arnal­ǵan elektr­­li jetekti usyndym. Utyp a­l­ǵan grantqa Qytaıdan 4 qu­ryl­­ǵy aldyq. Jaı qolarbamen kúni­ne 5-6 shaqyrym júrsek, elektr­­­­­li jetek ornatqan soń saǵa­­t­­­y­na 22 shaqyrym jyldam­dyq­­­­pen, eshkimniń kómeginsiz 30-35 sha­q­yrym joldy ótýge bo­la­­­dy. Alty aıǵa sozylǵan joba kezinde qurylǵy 33 adam­ǵa jal­ǵa berilip, 2000 shaqy­rym­­­ǵa jýyq jol júrildi. Qazir  elekt­r­li jetekterdiń sany 40-qa jet­ti. Taldyqorǵan qala­sy men Saryaǵash aýdanyn­da orta­ly­ǵy­myz jumys isteıdi. Sura­­nys ár óńirden bar. Quryl­ǵy qym­bat bolǵandyqtan satyp alý­ǵa ár­kim­niń qaltasy kóter­meı­di. Son­dyq­t­an aıyna 12 myń teń­gege jalǵa beremiz. Qazaq­stan­da 700 myńǵa jýyq múm­kind­igi shekteýli jan bolsa, 30-40 my­ńy qolarbada otyrady eken. Qala­­lar­da endi jaqsaryp kele jat­q­any­men aımaqtarda qo­lar­­ba­da otyrǵan adamdarǵa áli mú­sir­kep qaraıdy. Meniń maq­sa­tym – biz de qoǵamnyń bir mú­shesi ekenimizdi dáleldeý bol­dy. «Zhas Project» arqyly qar­jy­laı qol­daý kórip qana qoı­maı, kásip­­ker­­likti júrgizýdiń qyr-sy­ryn bil­dim», deıdi jas kásip­ker Nur­bolat Qarabasov. 

«Jetisý 360» jobasymen Elbasy kózine túsken Me­ıir­hat Tolqynov ta Zhas Project jeńim­pazy. Jobaǵa qatys­qan­ǵa deıin shaǵyn foto-vıdeo stýdııasy bar ol búginde Almaty  oblystyq Ishki saıasat basqarmasynyń Teh­n­ık­alyq bóliminde jumys isteı­di. «Meniń jobam 360 gradýs­tyq sıfrly túsirý, ıaǵnı «3D týr» dep atalady. Jańa bastamany qolǵa alýda qarjylyq jaǵy­nan kedergiler bolǵan. Grant­ty utqan soń qajetti tehnıka­lardy aldym.  Ony áli qol­danyp júrmin. Jobalaryma qyzyq­qan oblystyq ishki saıasat bas­qarmasy turaqty jumysqa aldy. Qazirge deıin 19 mýzeıdi, eki tabıǵı qoryqty túsirdim, zhetysu360.kz saıtyn ashtym», deıdi M.Tolqynov.