Dástúrli taý-ken geologııalyq forýmy

Forýmǵa jyl saıyn­ 300-­den astam taý-ken metal­lýr­gııalyq kompanııalar, sa­lalyq mınıstrlikter, ın­ves­tısııalyq kompanııalar men bankter, servıstik kompanııalar qatysady. Bul joly forým jumysyna Qazaqstannan jáne 20-dan astam alys jáne jaqyn shet­elderden taý-ken salasyna jabdyq óndi­rý­shi­lerdiń ókilderi jınaldy.

Forýmnyń saltanatty­ ashy­lýynda Indýstrııa já­ne ın­fraqurylymdyq da­mý­ vıse-mınıstri Tımýr Toqtabaev sóz sóılep, jer qoınaýyn paıdalaný salasynda júrgizilip jatqan re­formalardyń, atap aıtqan­da, «Jer qoınaýy jáne jer­ qoınaýyn paıdalaný­ týraly» kodeksti iske asy­rý­dyń­ qorytyndysyn atap ót­­ti. Máselen, ótken jyl­dyń­ 29 maýsymynan bas­tap jer qoınaýy týraly ko­deksti qoldanysqa engizý ke­­zeńinde Indýstrııa jáne ın­­fra­qurylymdyq damý mı­nıstrligi tarapynan «birinshi ótinim» qaǵıdaty boıynsha lı­senzııa alýǵa 100 myńnan as­tam blok qoıyldy jáne qat­ty paıdaly qazbalardy barlaýǵa 45 lısenzııa berildi.

Sondaı-aq forýmda jer qoınaýy týraly kodekstiń negizgi jańalyqtary men álem­­dik ozyq tájirıbe ne­gizin­de jer qoınaýyn paıda­laný salasyn reformalaý jó­­nindegi aldaǵy josparlar aıtyldy.

«Jer qoınaýy týraly ko­dek­sti engizý nátıjesi 2018­ jyl­dyń basynda­ shyǵa­ryl­­­ǵan Freızer ıns­tıtýty­ ótki­zetin jyl saıynǵy «sholýda» kórinis tapty. Sho­lýda júrgizilgen reforma­lardan keıin Qazaqstan ınves­tısııa­lyq tartymdylyq ın­deksi boıynsha 91 zańdyq qu­zyret arasynda 24-oryndy ıe­lenip, ótken jyldyń osy kezeńimen salys­tyrǵanda 49-satyǵa kó­te­rilgeni kór­se­tilgen. Sondaı-aq Qa­zaq­stannyń álemdegi 15 je­tek­shi ıýrısdıksııa qata­ryna enýge naqty áleýeti bar ekeni baıqaldy» dep atap ótti T.Toqtabaev.

Vıse-mınıstr sondaı-aq forýmnyń birinshi plenarlyq sessııasynda­ jer qoınaýyn paıdalaný salasyndaǵy zań­na­ma­ny jetildirýdiń ózekti má­seleleri boıynsha baıandama jasady.

Forým jumysy aıasynda Qazaqstannyń jer qoınaýyn paıdalaný sala­syn­daǵy zań­namasyn jetil­dirýdiń ózekti máseleleri, geologııalyq ja­ńalyqtardyń perspektıvalary, Qazaqstan­daǵy jáne Ortalyq Azııa el­derindegi izdeý jo­balaryn damytý, taý-ken ón­dirý salasyndaǵy «jasyl» eko­nomıkany da­mytýdyń prak­­tıkalyq as­pektileri, ká­­sip­oryndardy sıfrly trans­formasııalaý, sondaı-aq qubylmaly qu­qyqtyq alańda ınvestısııa tartý­ men taý-ken jobalaryn qar­­­jylandyrýdyń jańa múm­­kindikteri boıynsha tal­qylaýlar júrgizilýde.