Sonyń biri baqsha daqyldaryn ekken «Aman» sharýa qojalyǵy. Qazir onda 10 gektar egistik alqabyna 63 myń dana «Aeroport» qaýyn kóshetterin otyrǵyzý jumystary jalǵasýda. Aıta keterligi, qaýyn daqyly bıologııalyq tabıǵı tyńaıtqyshtardyń kómegimen ósiriletin bolady. Iаǵnı bul egistik alqapqa hımııalyq tyńaıtqyshtar múldem qoldanylmaıdy. Osy maqsatta 10 gektar alqapqa kúzdi kúni 70 júk kóligimen kóń tastalynǵan. Bul óz kezeginde taza ekologııalyq ónim alýǵa sep bolmaq. О́ıtkeni, óńirimizde tabıǵı taza ónimderge degen suranys jyl sanap artyp keledi.
Jalpy bıyl Jetisaı aýdanynda 25 myń gektar egistik jerge baqsha daqyldary egiledi degen boljam bar. Ázirdiń ózinde 1200 gektar alqapta qyryqqabat daqyly pisip jetilgeli tur. Endi 5-10 kúnde alǵashqy qyryqqabat ónimderi kórshi Reseı eli men elimizdiń soltústik oblystaryna jóneltiletin bolady.
Budan bólek, aýdan sharýalary bir jerden eki ret ónim alý úrdisine beıimdelgen. Bul óz kezeginde egistik alqabyn tıimdi paıdalanýǵa ári tabys kózin edáýir ulǵaıtady.
