Kelisimge Astana qalasynda 2018 jylǵy 27 jeltoqsanda Qazaqstan Respýblıkasy Prezıdentiniń tapsyrmasyn jáne Tájikstan tarapynyń áskerı-tehnıkalyq kómek kórsetý jóninde suraý salýyn iske asyrý aıasynda qol qoıyldy.
Kelisim Tájikstan tarapyna áskerı múlikterdi; oq-dárilerdi, avıasııalyq zaqymdaý quraldaryn, artıllerııalyq aspaptardy, radıasııalyq, hımııalyq jáne bıologııalyq qorǵaý múlikterin bir ret óteýsiz berýdi kózdeıdi.
Kelisimniń sharty boıynsha Qazaqstan áskerı múlikti Jambyl oblysyndaǵy «Otar» stansııasynan bastap Dýshanbe qalasynyń «Rohatı» stansııasyna deıin temirjol kóligimen jetkizýdi qamtamasyz etedi jáne shyǵystardy kóteredi.
Al Tájikstan tarapy Tájikstan Respýblıkasyndaǵy kedendik rásimderdi resimdeý shyǵystary men jaýapkershiligin, sondaı-aq alynǵan áskerı múlikti nemese ony paıdalaný quqyǵyn úshinshi tarapqa bermeý mindettemesin ózine alady.
Tutastaı alǵanda Kelisimdi ratıfıkasııalaý týraly zań jobasyn qabyldaý óńirlik qaýipsizdikti nyǵaıtýda eleýli úles qosady, Tájikstan Respýblıkasymen ózara dostyq qarym-qatynastardy jáne áskerı yntymaqtastyqty kúsheıte túsedi.
Qarýly kúshterdi tehnıkalyq turǵyda qaıta jabdyqtaý jáne memlekettik shekarany nyǵaıtýdaǵy tájik dostarǵa kórsetiletin kómek tek Qazaqstannyń ǵana emes, bizdiń odaqtastarymyz ben búkil Ortalyq Azııadaǵy dostarymyzdyń ortaq múddesi bolyp otyr», - dedi N.Nursıpatov.
Zań jobasy Palata qaraýyna berildi.
